Josua 22:15 - Iaai Bible 1901 (New Caledonia)

¹⁵ Ke ödrin e o but ka laku Reubena, me laku Gada, me hafiny tribu Manase hnyi hnyei Gileada, me ha ködrin ka habe,

Josua 22:15 ပူးပေါင်းရင်းမြစ်များ

I. Man Ûlabainy Je Than. 21:3

Ke haingö Joab, ka habe, E na he Iehova ka osehia lakem ge haded: ke so bi, than a tuhok, hawa, ca lakeiny tûhök ödrin hia? anyin a ieû ame weny ûnyi e hnen tuhok? anyin a ieû u me he ka bi joniny at Isaraela?

II. Man Ûlabainy Je Than. 10:19

Waleling me adre me degec lap anyi Davita ke ne o but hnyi bong ang.

II. Man Ûlabainy Je Than. 25:27

Ke hwân hnyi ûen ame hwio Amazia ga Iehova, me ödrin e sihnân e hnyi Jerusalema; me e ame kec Lakisa ai: me ödrin e ûkhûnöng Lakisa ai me hlingâ eling.

II. Man Ûlabainy Je Than. 26:18

me ödrin e tot kö Uzia than, me ha kâu, ka habe, Uzia lö, ca hanymâm bi e, wale he ka leû utö ae bo so kö Iehova, ke so bi hanymen tavat bihut a je mâtrâni Arona, tavat adre okabâ he ka leû utö ae bo so: didrut ûnyi hnyi dok ae kap; anyin a u je hia but hanyâûâ; ke ca hnân e oganö u ûnyi ga Iehova Khong.

II. Man Ûlabainy Je Than. 28:13

me ha ködrin, ka habe, Öbun e ca he ka hom jem je bâ: anyin a öbun e beânyâ ûnyi ame he ka oâ monu kötin ga Iehova, he ka bi hanen kongitin, me hwakecitin ae monu: anyin ae gan hmâ anyitin monu, ke gan hmâ minya hmonyin ka at Isaraela.

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Ezera 9:2

Anyin a ödrin e hia but hom lakudrin je hlu hobi ködrin me lakudrin je baga; mʼ adre me hia but ûhaniken wan ae kap me tavat aten je hnyei: eke, ame bân je than me tavat musi ka hnyi hulo eling.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Levitiko 26:40

Ke odrin e he ka ha manenâ hwakecidrin ae kong anyin je lakamödrin hnyi anyidrin monu adre monu könya, ke can minya odrin e hna degeci nya,

Levitiko 5:19

Wale hudiny monu: anyin ae hnathu e ame monu kö Iehova.

Numera 14:43

Ke wala at Amaleka me at Kanana hnyi hnyimaköbun, kʼ öbun e he ka ta ge hele vat; anyin a öbun e hmetu ûnyi ga Iehova, me waleling ame ca he Iehova ka tha e möbun.

Numera 32:15

Anyin a öbun e ne hmetu ûhebun unyin, me e ame he hmetu ka hna degeci öbun hnyi hnyebuba; ke öbun e he ka ohia tavat eang hia thithö.

Numera 5:6

Ha thö ka lakon Isaraela, ka habe, E ka he baga ame ne momo ka ânyâ ke hwakecin ae kong, kʼ ame monu hnyi hnyimakö Iehova, ke hulö but at eling;

Mataio 18:17

Ke a ne höcö ling ödrin, ha thö ka ûkhacaköu: ke a ne höcö long ûkhacaköu, hna but e me me he ka helâ köu me Aten ke je hnyei, ke ta je telona.

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

I. Korinito 5:4

kʼ öbun ka ûkhacaköu, a tha öbun me hnyekuk, me man maniny Tuhöta Iesu, hnyi ien Tuhöta Iesu,

Deuteronomi 30:17

Ke e ka hwio hnyekom, ke u me ca löng bi, ke adre me ne lili u, he ka khudrung ka ke je khong me bi athnyabaidrin;

Deuteronomi 7:4

Anyin a e ame he ka okâ nokom unyik, me me he ka bi athnyabainy ke je khong: me ame he ka ubâhlâ hmönyin anyi Iehova köbun, ke e ame he ka ie ohiö o.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Josua 22:12

Ke a long ut lakon Isaraela, me ame ûkhacaköu tavat hia a je lakon Isaraela hnyi Silo, he ka vat mödrin.

Josua 22:14

ke tha e me je than a ten, ûsa khaca than anyin je kamen je lap hia thithö anyin je tribu Isaraela; ke haba ödrin hia, me ödrin je ban je lap anyin lakamödrin unyin je thauzaniny at Isaraela.

Josua 22:16

Walang hofuc hwan ûkhacaköu hia anyi Iehova, ka habe, Ie ûnyi ang ae kong öbun e ânyâ ka Khongon at Isaraela, möbun e hna hota but Iehova, wale öbun e otilâ taben hut hobi köbun, me khikhin ga Iehova hnyi bong ang?

Josua 22:18

mʼ öbun e hna hota but Iehova hnyi bong ang? ke haba hnyi bong ang öbun e khikhin ga Iehova, me haba nyi e ame he ka hmönyin ka ûkhacaköu hia thithö anyin at Isaraela.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.