Josua 21:43 - Iaai Bible 1901 (New Caledonia)

⁴³ Me Iehova ame liam ka at Isaraela hnyei hia waleji e atne khemanyin he ka ham ka lakamödra; ke adre me tren e me labā.

Josua 21:43 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 28:4

me ham köu hna hahnahici Aberahama, köu, me ka ta je mâtrânâm; mʼ u ma he ka hu bi hnyei u me laba kanyua hnyin, waleji hnen Khong hna ham kö Aberahama.

II. Man Ûlabainy Je Than. 20:8

Me Ödrin e labā e me op hnyin e uma hobi kâu iâm, me ha, ka habe,

Nehemia 9:24

Me ame he ka hnyin je lakon me hu hnyei, ke u je hom ûhnyûkongoâ hnyi hnyimaködrin at Kanana tavat a idrin hnyei, me hnʼ ödrin ka hnyi hnyamödrin, tha ödrin me je tuhödrin, me tavat aten hnyei, mʼ ödrin e he ka ânyâ wedrin ködrin.

Nehemia 9:8

ke u je wâ hnyekon ae wisa but hnyi hnyimakâm, me u je ûhihinyköu mē he ka ham kâu hnyei iny at Kanana, me Heth, me Amora, me Perizi, me Jebusi, me Girigasa, he ka ham ka je mâtrâniny, me ohwâdâ hwâm hofuc; anyin a u wisa.

Salamo 105:8

E ame hia but ûnykûme bala anyin ûhihinyköu, Waleji hofuc e ame hûna ka ta je dö a khaca thauzan,

Salamo 44:3

Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.

Salamo 78:55

E ame obâ aten ke je hnyei hnyi hnyi makodra, Me ve khene idra hnen tulut, Me olaba je tribu Isaraela hnyi umödra je uma mano,

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Numera 33:53

ke öbun e he ka obâ tavat a aten hnyei me labā bi: anyin a oge hia but ham köbun hnyei hnân ibun.

Numera 34:2

Hûna thö ka lakon Isaraela, ka habe, Öbun ka o but ka hnyi hnyei Kanana, (wale hnyei adre me he ka ham köbun me ibun, a hnyei Kanana hoton je hnyigöulen,)

Deuteronomi 11:31

Anyin a hamöbun he ka hanyâûâ Joridano, me he he ka hu hnyei wale a ham köbun Iehova Khongubun, ke öbun e he ka hu e me labā.

Deuteronomi 12:29

Ke ka he Iehova Khongom ka subâ degecâ je hnyei hnyi hnyimâkâm, wale u me he ka hnyin me he ka hu, ke u ka tren, me labā idra;

Deuteronomi 17:14

U ka o ka hnyi hnyei a ham Iehova Khongom köu, kʼ ame he ka hu gam, me labā; ke u me he ka ha, ka habe, Oge me he ka otilâ than huk, helâ me je knyei igigili nya;

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.

Josua 1:6

Hwege thö, ke hnyok baga but: anyin a hamâm he ka ohuâ hnyei ka tavat eang, waleji oge me khemanyin he ka ham ka lakamödra.

Josua 21:42

Haba je taun eling me ve hu je utkânâ igigilö: ke helâe je taun hia thithö eling.

Owisa 11:24

Hawa, u me ca he ka labā hnyei a ham köu he ka labā ga Kemosa a khongom? Me haba ohmun, me ohmun e he ka hom iny tavat hia waleji a obâ Iehova Khonguhmun hnyi hnyimaköhmun.

I. Samuela 12:8

Haba hnyi ûen ame o Jekob hnyi Aigupito, me ame tenge lakamöbun kö Iehova, me haba Iehova ame kunö Mose me Arona, ödre hom lakamöbun ûheny Aigupito, me olabʼ ödrin hnyi dok eang.