Josua 20:8 - Iaai Bible 1901 (New Caledonia)

⁸ Ke hnyi hoton Joridano e Jeriko ke e deiö, me ödrin e kû Bezeri hnyi hnyebuba hnyi dok ae tha hon ûnyi hnyi tribu Reubena, me Ramotha hnyi Gileada ûnyi hnyi tribu Gada, me Golana hnyi Basana ûnyi hnyi tribu Manase.

Josua 20:8 ပူးပေါင်းရင်းမြစ်များ

I. Je Than 22:6

Me haba than Isaraela ame ûkhacaköuâ ta je perofeta, helâ me foa haded, me ha ködrin, ka habe, Hawa, oge me he ka he Ramothe-gileada ai he ka vat, oge ma hna ju? Haingödrin, ka habe, He thö anyin a ame he Iehova ka hna e ka hnyi hnyamen than.

II. Je Than 8:28

Ke e ame tha he me Jorama nöku Ahaba he ka vat me Hazaela than Suria hnyi Ramothe-gileada: ke ame aat dö Jorama ge at Suria.

I. Man Ûlabainy Je Than. 6:78

ke haba hoton Joridano hnyi Jeriko, wale ke keihen Joridano e deiö adre ham ködrin ûnyi hnyi tribu Reubena, Bezeri hnyi hnyebuba me je hnyaban igigilo, me Jahaza me je hnyaban igigilo,

I. Man Ûlabainy Je Than. 6:80

ke ûnyi hnyi tribu Gada; adre ham, Ramotha hnyi Gileada me je hnyaban igigilo, me Mahanaima me je hnyaban igigilo,

Deuteronomi 3:10

a ta je taun hia hnyi dok ae tha hon, me Gileada hia, me Basana hia, ke ne o but Saleka, me Ederei, a je tauniny dökhu dökhu Oga hnyi Basana.

Deuteronomi 4:43

hobi kâu at Reubena, e ame ip Bezeri hnyi hnyebuba, hnyi hnyei a tha hon; me Ramotha hnyi Gileada, hobi kâu at Gada; me Golana hnyi Basana, hobi kâu at Manase.

Josua 20:7

Me ödrin e kû Kadesi hnyi Galelaia hnyi bucen Nafatali, me Sekema hnyi hnyei ae hut hnyi Eferaima, me Kiriatha-areba (wale Heberona), hnyi hnyei ae hut hnyi Juda.

Josua 20:9

Wale je taun adre kû hobi kâu je lakon Isaraela hia thithö, me je atkanyua adre me laba unyidrin, me me kec ka hnyin tavat hia adre me hlingâ at a utöteta, me me ca mok ge hnyamen at ame bi hwaban komok, ke ne o but e ame tot hnyi hnyimakan ûkhacaköu.

Josua 21:27

Ke hobi kâu laku Geresoma, a hanen je lap anyin at Levi, adre ham ûnyi hnyi hafiny tribu Manase, Golona hnyi Basana, me je utkânâiny, wale taun hnân lubaduöng hnyin at ame hlingâ at; me Besetera me je utkânâiny; lo li taun.

Josua 21:36

Ke ûnyi hnyi tribu anyi Reubena, Bezeri me je utkânâiny, me Jahaza me je utkânâiny,

Josua 21:38

Ke ûnyi hnyi tribu Gada, Ramoth hnyi Gileada, taun hnân lubaduöng hnyin ge at ame hlingâ at, me je utkânâiny, me Mahanaima me je utkânâiny;