Josua 2:9 - Iaai Bible 1901 (New Caledonia)

⁹ ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.

Josua 2:9 ပူးပေါင်းရင်းမြစ်များ

Genese 35:5

Kʼ adre me he but: ke e gan hmâ hna outen hnyi ta je hnyei igigili ödra, kʼ adre me ca hnu hoton je laku Jekob.

II. Samuela 17:10

Me haba at ae hwege, a helâke hnyekon liona but hnyekon, me e ame he ka ti aû but: anyin ae khana Isaraela hia a e hwege kâmâm, me hwege tavat unyin.

II. Je Than 5:15

Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.

II. Je Than 7:6

Anyin a hia but Iehova olöngâ je utbavat anyin at Suria ge medien je kariota, me medien je hors, wale medien je utbavat ae gan: me ödrin e ûhnenamököuâ, ka habe, Wâ bi, than Isaraela ame hia but bi hwaban je than Heth, me je than Aigupito, mʼ adre me vat mötin.

Nehemia 6:16

Ke a long ut je iwahnaihmiony möhmun hia, haba ta je hnyei hia igigili ohmun adre me ot me hmak hmonyin: anyin adre me wâhmakhmeto a gʼ adre ânyâ huliwa e ge Khongutin.

Esetera 8:17

Ke haba hnyi je ke keihen hnyei hia, me je taun hia a o ka hnyin hnanyibu me hofuc hwan than, me ame senyin me hobâ at Juda, ke e hu bijeû me bong ae so. Ke se hia tavat aten hnyei adre me hnyi hanen hmi Juda; kʼ adre me outen at Juda.

Jobu 19:25

Ke oge me wâhmakhmetoâ ae möt at ame ûcû melik, Ke e ame he ka todrö hon kânâ nyiele:

Salamo 112:10

Ame he tavat ae kong ka wâ e, me hmak bi; Me ame he ka hoc nyu, me aû but: Ame he ka hia weny tavat ae kong.

Salamo 115:16

Haba ta je drany, me je drany anyi Iehova; Ke e ame ham hmeledrany ka ta je lakon at.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Esodo 23:27

Oge me he ka kunâ hnân outö nya hnyi hnyimâkâm, me ovecâ ta je hnyei hia u me he ka o ka hnyin, kʼ oge me he ka kunâ ta je iwahnaihmiony hia möu he ka kec gam.

At Khet 8:12

Eja ke ne a ne khaca haded hna ânyâ hulo hnen at ae kong, kʼ adre osehia bongon je bong, ke so bi, oge me wâ but a gʼ ame he ka so ka tavat adre me outen Khong, a tavat ot hnyi hnyimakan:

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Isaia 23:5

E ka o ûthumetu Aigupito ai, me adre me he ka vec gan hmâ ge hna thumetu ge Turo.

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Numera 20:14

Ke haba Mose ame kunâ je ûthûmetu ûheny Kadesi ka thaniny Edoma, he ka ha, ka habe, Walang hofuc ho Isaraela a liamekeiny möu, ka habe, E khanö u ta je vec a o köhmun:

Numera 20:24

Adre me he ka hum Arona ka lakamen: ke e ame ca he ka hnyi he ka hnyi hnyei waleji oge ham ka lakon Isaraela, can hnöbu hna hanyâûâ hok hofuc hnyi an Meriba.

Mataio 20:15

Hawa, e ca ûcû könya he ka ânyâ wek ge anyik ta je ûnyi? hawa e kong emakâm anyin a iny at betenge?

Deuteronomi 11:25

E ba at ame he ka tot hnyi hnyimaköbun: kʼ ame he Iehova Khongubun ka ootâ me öbubunâ je hnyei gabun wale öbun e he ka uto, helâ me hnen hna ha köbun.

Deuteronomi 2:25

Ke oge me he ka hwân hnyi bong ang he ka okûâ outö u, me me he ka öbubuny gam hnen ta je hnyei hia eang hmeledrany, a tavat adre me löng ânyâm lung, kʼ adre me he ka öbubuny, me hleûhleû gam.

Deuteronomi 28:10

Ke ame he je hnyei hia eang hmelen ka wâ a gʼ adre ip iö Iehova hom; mʼ adre me he ka outö o.

Deuteronomi 32:8

Hnyi ûen waleji Beönua ame ha idrin ka ta je hnyei hnyin, Kʼ ame oveseâ lakon tavat, Me wale e ame kia je hnyigöulen tavat, Hoton ûganiny lakon Isaraela.

Heberu 11:31

Hnen labageju ame ca tha mok Rahaba, a momo hnyi gethen, me tavat adre me ca ûling, anyin a e ame kap soâ li at adre kunâ he ka ecmak.

Josua 2:11

Ke öhmun e long e, me ame köiö but je hnyekuhmun, ke ba hmetu tang hwege eû hnyi hnyekon ke at, cabun: anyin a Iehova Khongubun me e thibi Khong ethö hnyi drany, me eang hmelen.

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Josua 2:8

Ke ödru tiga ca mokut, me momo ame ölö thö ködru ka hnyi hon ban uma;

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.

Josua 6:2

Ke Iehova ame ha kö Josua, ka habe, Wâ bi, oge hia but ham ka hnyi hnyamâm Jeriko, me thaniny, me je taben tavat ae hwege.

Josua 9:10

me je ûnyi hia e ame ânyâ ka li thaniny at Amora, wale hoton Joridano, kö Sihona than Hesebona, me Oga than Basana hnyi Aseterotha.

Josua 9:24

Ke ödrin e thu kö Josua, ka habe, Adre me ha hnathoâ ka lathnyabaem a Iehova Khongom ame hûna kö Mose a athnyabainy he ka ham köbun hnyei hia thithö, me he ka ohia aten hnyei hnyi hnyimaköbun, anyin a wale öhmun e ot gan hmâ me bemöt gabun, waleling mʼ öhmun e ânyâ ûnyi e.

Josua 9:9

Me ödrin e ha kâu, ka habe, Ûhehmun hnyi hnyei ae ti sâkâû lathnyabaem can iö Iehova Khongom: anyin a öhmun e hia but long ûlunginy, me hnen hna ânyâ hia hnyi Aigupito,

Owisa 7:14

Me ame thu hnen hanen, ka habe, Wale hele vat anyi Gideona, nöku Joasa, a at Isaraela: a hia but Khong hna at Midiana, me anyidrin utbavat hia ka hnyi hnyamen.