Josua 18:28 - Iaai Bible 1901 (New Caledonia)

²⁸ me Zela, me Elef, me Jebusi (wale Jerusalema), me Gibea, me Kiriatha; fortin je taun me je tauniny ae ûhnyûkong. Wale jekhon je laku Beniamina hoton anyidrin je lap.

Josua 18:28 ပူးပေါင်းရင်းမြစ်များ

II. Samuela 21:14

Ke ödrin e konâm je jeiö Saulo me Jonathana a nokon hnyi hnyei Beniamina hnyi Zela, hnyi hu Kiso a kamen: ke ödrin e ânyâ ta je ûnyi hia hnen than hna hûna. Ke hwaban e Khong ame long hodrin ge hnyei.

II. Samuela 23:29

me Hebeb nöku Baana at Netofa; me Itai nöku Ribai at Gibea hanen lakon Beniamina;

II. Samuela 5:6

Ke ame he than me tavat unyin Jerusalema ai me tot ûcon at Jebusi, a je aten hnyei: tavat adre me ha kö Davita, ka habe, U je ne ca hom je wadröu me tavat ame ci, me u me ca he ka didro jem: anyin adre me ûnykûme a ga ca khanö Davita he ka dit kâe.

II. Samuela 5:8

Ke Davita ame ha hnyi bong eling, ka habe, Haba at ame he ka kot at Jebusi, me hamen he ka ölö ka hnyi deny köiö, me kot hnyat ame ci me wadröu, a je hûkötiânö Davita. Anyin a wale, adre me labö ha, ka habe, Wale bi eling je wadröu me hnyat ame ci; me ca khana he ka dit ka hnyi uma.

I. Man Ûlabainy Je Than. 8:28

Ödrin je ban je lap anyin je lakamen, a je taben: ödrin e laba hnyi Jerusalema.

Isaia 10:29

adre me hanyâûâ gethen ae hnek; adre me mokut hnyi Geba; ame öbubuny Rama; Gibea anyi Saulo ame kec do.

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Hosea 10:9

Isaraela lö, u je hia but ânyâ hulö hwân hnyi je bong bongu Gibea: adre me tot eling, me me ca he ka khöû ödra hnyi Gibea hnen vat me lakon hulö.

Numera 26:38

Ke haba laku Beniamina me anyidra je lap: ûnyi ga Bela, me, lap anyin at Bela: ke unyi ga Asebala, me, lap anyin at Asebala: ke ûnyi ga Ahirama, me, lap anyin at Ahirama:

Numera 26:54

Haba tavat ae se, me u me he ka ham gânâ hnyei ködra, ke haba tavat ae wakhalet, me u me he ka ham hnyei ae ûhnyûkong: adre me he ka ve ham ködra hnyei hoton ûseidra adre me aû.

Numera 33:54

Ke öbun e he ka khenâ hnyei hnân ibun hnen leköb, hoton anyibun je lap; öbun e he ka khenâ gânâ ka tavat ae se hia, ke khenâ ûhnyûkongo ka tavat ae wakhalet: ame he ka ve hu gadra helâ me hna kû hnen leköb: öbun e he ka hu hoton je tribuiny laka-möbun.

Josua 15:63

Ke haba at Jebusi, ödrin e labā Jerusalema, me ca khana laku Juda he ka obʼ ödrin: kʼ ame tha laba at Jebusi me je laku Juda hnyi Jerusalema ke ne o but hnyi bong ang.

Josua 15:8

ke ame he bala hnyigöulen hnyi hnyigöulen bucen anyin nöku Hinom ke ne o but hnyi baten at Jebusi hnyi hwaiöu (wale Jerusalema): ke ame he bala hnyigöulen ka hnyi hon bucen cicö jio hnyigöulen bucen anyi Hinom, wale obiny hnyigöulen bucen anyin tavat ae beû hnyi hwadrö:

Josua 18:16

ke ame o hnyigot ka hnyi obiny bucen cicö hnyigöulen bucen anyi nöku Hinom, wale hnyi hnyigöulen bucen anyin tavat ae beû ka hnyi hwadrö; ke ame he ka hnyi hnyigöulen bucen anyi Hinom ka hnyi ke keihen at Jebusi ka hnyi hwaiöu, me he Eni-rogel ai;

Josua 18:27

me Rekem, me Irepel, me Tarala;

Josua 19:1

KE ame āt dö kö Simeona ge leköp a loiny, hobi kâu tribuiny laku Simeona, hoton anyidrin je lap: ke haba jekhöûdrin, me, hnyi wanben jekhon laku Juda.

Owisa 1:21

Ke haba laku Beniamina, odrin o ca obâ at Jebusi, wale tavat adre me labā Jerusalema: ke haba at Jebusi odrin e tha laba me laku Beniamina hnyi Jerusalema ke ne o but hnyi bong ang.

Owisa 19:10

Ke höcö bi baga he ka mokut hmetu, me e ame tot me he, me e ame o hnyi hnyei cicö Jebusi (wale Jerusalema): ke e unyin li asina adre hûkâlâ li taben hudru; me anyin minya momo.

I. Samuela 10:26

Ke Saulo ame he minya ka hnyi hnyaban hnyi Gibea; ke ame tha he mē tavat a kâlâ Khong je hnyekudrin.