Josua 15:13 - Iaai Bible 1901 (New Caledonia)

¹³ Ke e ame ham kö Kaleba nöku Jefune jekhon unyin laku Juda, helâ me hnö Iehova hna hûna kö Josua wale Kiriath-Areba, haba Areba kamö Anaka (wale Heberona).

Josua 15:13 ပူးပေါင်းရင်းမြစ်များ

Genese 13:18

Me Aberama ame oc umen uma mano, me o but me laba hnyi sawajo anyi Mamere, wale hnyi Heberona, kʼ ame otilâ eling ke taben hat kö Iehova.

Genese 23:2

Ke a mokcu Sara hnyi Kiriath-areba (wale Heberona) hnyi hnyei Kanana: ke ame o but Aberahama he ka hnyamok me tenge ga Sara.

II. Samuela 2:1

KE hwaban e Davita ame hnö ga Iehova, ka habe, Hawa oge me he ka he hnyi ke je taun anyin at Juda? Ke Iehova ame ha kâu, ka habe, He thö. Ke Davita ame ha, ka habe, Oge ma he kâ? Haingen, ka habe, Heberona.

I. Man Ûlabainy Je Than. 6:56

ke haba je utkânâiny taun, me je tauniny ae ûhnyûkong, adae me ham kö Kaleba nöku Jefune.

II. Man Ûlabainy Je Than. 11:10

me Zorea, me Ajalona, me Heberona, wale hnyi Juda me Beniamina, je taun adre up haginy.

Numera 13:30

Me haba Kaleba ame thawâ tavat hnyi hnyimakö Mose, me ha, ka habe, E so ötin e ie he me hûgûnâ; anyin ae khanʼ ötin he ka hwege hon.

Numera 13:6

Ke ûnyi hnyi tribu Juda, Kaleba, nöku Jefune.

Josua 11:21

Ke ame o Josua hnyi ûen eling, me subâ degecâ at Anaka walʼ ödrin hnyi hnyei ae hut, hwân Heberona, me Debira, me Anabi, me hnyei ae hut hia hnyi Juda, me hnyei minya ae hut hia hnyi Isaraela: haba Josua ame ti ohiʼ ödra me anyidrin je taun.

Josua 20:7

Me ödrin e kû Kadesi hnyi Galelaia hnyi bucen Nafatali, me Sekema hnyi hnyei ae hut hnyi Eferaima, me Kiriatha-areba (wale Heberona), hnyi hnyei ae hut hnyi Juda.

Josua 21:11

Ke adre me ham ködrin Kiriatha-areba, haba Areba me kamö Anaka (wale Heberona), hnyi hnyei ae hut hnyi Juda, me je utkânâ igigilö e.

Owisa 1:10

Ke Juda ame he ka at Kanana adre me laba hnyi Heberona: (ke haba ien Heberona ehac me Kiriath-areba:) me odrin e kot Sesai, me Ahiman, me Talemai.

Owisa 1:20

Ke adre me ham Heberona kö Kaleba, helâji me Mose ame ha: ke e ame obâ ûheny e laku Anaka a kun.

I. Samuela 25:3

Haba ien at Nabala; ke Abigaila ien âiân: ke haba momo at ae ti metâ, ke hmanenang hnyimakan: ke at ae wathethot baga, me kong hwakecin; ke e hanen lap anyi Kaleba.

I. Samuela 30:14

Ke ohmun e utut ka hnyi hon ke keihen a hwaiöuiny at Kerethi, me ke keihen iny at Juda, me hwaiöuiny Kaleba; ke ohmun e thong Zikelag ge meic.

I. Samuela 30:31

me ködrin knyi Heberona, me ködrin hia thithö wale hnö Davita me anyin tavat hna labö he kâu.