Josua 15:11 - Iaai Bible 1901 (New Caledonia)

¹¹ me ame um ju hnyigöulen hnyi ke keihen Ekerona ka hnyi hwadrö: ke adre tuluto hnyigöulen ka hnyi Sikerona, me ame he bala bi ka hnyi bucen Baala ke ne e but Jabenel; ke adre me umo je hnyigöulen hnyi köiö.

Josua 15:11 ပူးပေါင်းရင်းမြစ်များ

II. Je Than 1:16

Ke e ame ha kâu ka habe, Walang hna ha hnö Iehova, ka habe, Anyin a u je kunâ je ûthumetu he ka hnei Bele-sebuba khongon Ekerona, hawa can ae ba Khong hnyi Isaraela he ka hnö hofuc a hwan? anyin a wale u me ca he ka ut ûnyi hnyi hnâm hna mokut, ke u me he bi ka mokcu.

II. Je Than 1:6

Ke ödrin e ha kâû, ka habe, Haba ke at ame o me ûkhanö möhrnun me ha kohmun, ka habe, He hmetu thö ka than at a kûnʼ öbun, me ha kâu, ka habe, Walang hna ha, hnö Iehova, ka habe, Hawa, anyin ae ba Khong hnyi Isaraela, me u me ûkhûnöng he ka hnei Bele-sebuba khongon Ekerona? anyin a wale u me ca he ka ut ûnyi hnyi hna mokut u me mokut hon, ke e hnathu u me he ka mokcu.

II. Man Ûlabainy Je Than. 26:6

Me e ame he but me vat me at Filisiti, me thö degecâ hna up haginy hnyi Gatha, me hna up haginy hnyi Jabene, me hna up haginy hnyi Asedoda; me e ame op je taun hnyi hnyei Asedoda, me Filisiti.

Numera 34:6

Ke haba hnyigöulen e jiö, me köiö ae gan, wale hnyigöulöbun, a hnyigöulöbun e jiö.

Josua 15:10

ke ame khenyi hnyigöulen e jio ûheny Baala ka hnyi bucen Seira, ke ame he bala bi ke ne o but hnyi baten bucen Jarim hnyi hwadro (wale Kesalon), ke ame he bala bi Bethe-semes ai me he hnyi gethen deny Timena:

Josua 15:12

Ke haba hnyigöulen e jio, köiö ae gan me hobat köiöiny. Wale hnyigöulen laku Juda igigilö hoton anyidrin je lap.

Josua 15:45

Ekerona, me je taun, me je tauniny ae ûhnyûkong:

Josua 15:9

ke adre tuluto hnyigöulen ûnyi hnyi ban bucen ke ne o but hnyi köiö ame pupua anyi Nefetoa, ke ame he ke ne o but je taun hnyi bucen Eferona; ke adre tuluto hnyigöulen hnyi Baala (wale Kiriatha-jarim):

Owisa 1:18

Ke Juda ame hûgûnâ minya Gaza me baten e, me Asekelona me baten e, me Ekerona me baten e.

I. Samuela 17:52

Me ame todrö at Isaraela me at Juda me sue, me hnu at Filisiti ke ne o but hnyi Gai, me je homagouleny Ekerona. Ke ame ta tot tavat adre ât dö a at Filisiti eû hnyi gethen ame he Saraim ai, ke ne o but hnyi Gatha, me Ekerona.

I. Samuela 5:10

Me ödrin e ûkhûnöng me tang tangen Khong Ekerona ai. Ke ame o but tang tangen Khong hnyi Ekerona, me haba at Ekerona ödrin e kuku me ha, ka habe, Ödrin e hom kötin tang tangen Khongon at Isaraela, me me hlingʼ otin me itin hnyei.

I. Samuela 5:8

Me ödrin e ûkhûnöng he ka ûkhacaköuâ mödrin je thaniny at Filisiti hia, me ödrin e ha, ka habe, Otin e he ka hawa ka tang tangen Khongon at Isaraela? Me ödrin e thu, ka habe, E so adre me hom tilâ tang tangen Khongon at Isaraela Gatha ai. Me ödrin e hom tilâ tang tagen Khongon at Isaraela.

I. Samuela 7:14

Ke adre ham hmetu ka at Isaraela je taun waleji a hûgûnâ at Filisiti ûnyi ge at Isaraela, hwân hnyi Ekerona, ke ne o but Gatha; ke haba at Isaraela adre me hûgûnâ hmeto je hnyigöulen ge at Filisiti. Ke ûsoköu but at Isaraela me at Amora.