Josua 13:33 - Iaai Bible 1901 (New Caledonia)

³³ Ke Mose ame ca khene iny tribu Levi: Iehova, Khongu Isaraela idrin, helâ me hnen hna ha ködrin.

Josua 13:33 ပူးပေါင်းရင်းမြစ်များ

Ezekiela 44:28

Ke ame he ka hu idra: ke inya ang idrin: ke öbun e ca he ka bi hwajekhöûdrin hnyi Isaraela, ke inya ang jekhoûdrin.

Numera 18:20

Ke Iehova ame ha kö Arona, ka habe, U me ca he ka hu em hnyi idra hnyei, ke u me ca he ka hu hwajekhom unyidra: inya bi a hwajekhom me em unyin lakon Isaraela.

Deuteronomi 10:9

Anyin a wale e ba hwajekhoû Levi me iny unyin je liamekeiny mē; haba Iehova, me iny hnyei, helâ me Iehova Khongom ame ha kâu.)

Josua 13:14

Ke hake tribu Levi thiju adre ca khene iny; haba je hut a an hnen meic kö Iehova Khongon at Isaraela, me wale iny, helâ me hnen hna ha ködrin.

Josua 13:32

Wale je hnyei a khenâ Mose hnyi dok ae tha hon hnyi Moaba, hnyi ke keihen Joridano, Jeriko ke e deiö,

Josua 18:7

Anyin ae ba iny at Levi unyibun; anyin a haba hanymen tavat bihut kö Iehova, wale jekhöûdrin: ke haba Gada, me Reubena, me hafiny tribu Manase, ödrin e hia but kap jekhöûdrin hnyi ke keihen e deiö Joridano, wale a ham ködrin Mose athnyabai Iehova.