Josua 13:30 - Iaai Bible 1901 (New Caledonia)

³⁰ Ke haba hnyigöulödrin, me, hwân hnyi Mahanaima, Basana hia, a je dökhu hia dökhu Oga than Basana, me je taun hia anyi Jaira, wale hnyi Basana, je taun a sikste:

Josua 13:30 ပူးပေါင်းရင်းမြစ်များ

Genese 32:3

Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

Numera 21:33

Ke adre me hwiö me he hnyi gethen Basana: me ame o but Oga than Basana ködra, a e me lakeiny hia, me me vat hnyi Ederi.

Deuteronomi 3:10

a ta je taun hia hnyi dok ae tha hon, me Gileada hia, me Basana hia, ke ne o but Saleka, me Ederei, a je tauniny dökhu dökhu Oga hnyi Basana.

Deuteronomi 3:4

Ke ate me hûgûnâ anyin ta je taun hia hnyi ûen eling; ke ba taun ate me ca hûgûnâ ûnyi gadra; a sikste je taun, wale hnyei hia hnyi Aregoba, dökhu dökhu Oga e Basana.

Josua 13:26

ke hwân Hesebona, ke ne o but Ramatha-mizepa, me Betonim; ke hwân Mahanaima ke ne o but hnyigöulen Debira;

Josua 13:29

Ke Mose ame khenâ ka hafiny tribu Manase: a wale hobi kâu hafiny tribu Manase, hoton anyidrin je lap.

Josua 17:6

anyin ae hu iny je hlu laku Manase unyin lakon je baga: ke haba ke je laku Manase, ödrin e hu hnyei Gileada.

Josua 21:38

Ke ûnyi hnyi tribu Gada, Ramoth hnyi Gileada, taun hnân lubaduöng hnyin ge at ame hlingâ at, me je utkânâiny, me Mahanaima me je utkânâiny;