Josua 11:17 - Iaai Bible 1901 (New Caledonia)

¹⁷ hwân hnyi bucen Halaka gethen ûheny Seira ke ne o but Baala-gada hnyi hnyigöulen bucen e Lebanona, wale hmelen bucen Heremona: ke e ame hom je than hia me kuc ödrin, me hlingʼ ödrin.

Josua 11:17 ပူးပေါင်းရင်းမြစ်များ

Genese 32:3

Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

Salamo 89:12

Haba hwadro me hwaiöu me u je up li dok e: Tabora me Heremona ame senyinâ iâm.

Deuteronomi 1:7

hwio thʼ öbun me he ka hnyi bucen anyin at Amora, me je dok ae hakekeny kâ e, hnyi Arabah, hnyei ae hu je bucen hnyin, me hnyei ae hnyikânâ, me hnyi ke keihen ka hnyi Hwaiöu, me hobatköiö, a hnyei iny at Kanana, me Lebanona, ke ne o but hnyi wagewe ae gan, a wagewe Euferate.

Deuteronomi 2:1

KE ate me hwio me he ka hnyi hnyebuba gethen ka he ka hnyi Köiö ae Dra, hoton hna hûna hnö Iehova könya: ke se hia je bong ate me laba igigilö bucen Seira.

Deuteronomi 3:9

(haba at Zidona adre me hwenyi ien Heremona eling, me Siriona, ke haba at Amora adre me hwenyi ien, me Senira;)

Deuteronomi 33:2

Ke e ame ha, ka habe, A o thö Iehova ûheny Sinai, Me köûö ködra ûheny Seira; E ame umumelam but ûheny hon bucen Parana, Ke e ame o ûheny je ten thauzan tavat ae kap: Ke e hnyi hnyamen a metân hnanyibu ae meic hobi ködra.

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

Josua 1:4

Hwân hnyi hnyebuba, me Lebanona eang, ke ne o but ka hnyi wagewe ae gan, a wagewe Euferate, a hnyei hia iny at Heth, ke ne o but hnyi köiö ae gan cicö hna dit hnen seûno, wale hnyegöulöbun.

Josua 11:18

Ke Josua ame vat me je than eling hnyi je bong ae se.

Josua 11:3

me tavat Kanana e deiö me jio, me at Amora, me Heth, me Perizi, me at Jebusi hnyi je bucen, me at Hivi hmelen Heremona hnyi hnyei Mizepa.

Josua 13:5

me hnyei iny at Gebali, me Lebanona hia, hnyi hna o hnen seûno, hwân hnyi Baala-gada hmelen bucen Heremona ke ne o but hnyi gethen ame didro ka hnyi Hamath: