Josua 11:15 - Iaai Bible 1901 (New Caledonia)

¹⁵ Helâji me Iehova ame hûna kö Mose a athnyabainy, ke helâe Mose ame hûna kö. Josua: me Josua ame ânyâ helâe: e ame ca i degec ke ûnyi hnyi ta je ûnyi hia a hûna Iehova kö Mose.

Josua 11:15 ပူးပေါင်းရင်းမြစ်များ

II. Man Ûlabainy Je Than. 30:12

Ke e hnyi Juda hnyamen Khong he ka ham ködrin hnyok a khaca, he ka ânyâ hnanyibu anyin than, me je taben, hoton hofuc ho Iehova.

Numera 33:50

Ke haba Iehova ame ha kö Mose, hnyi dok ae tha hon hnyi Moaba hnyi Joridano, wale Jeriko, ka habe,

Numera 33:52

me öbun e he ka obâ aten hnyei hia hnyi hnyimaköbun, me ohia anyidra je hnatheat hia, me ohia anyidra je idola hia adre oköiâ, me thö degecâ hia anyidra je dok ae görany:

Mataio 23:23

Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Luka 11:42

Ekölö gabun ta je Faresaio! anyin a öbun e ham je ke keihen a libenyitainy minet, me ru, me ta je ûö ae ometu, ke öbun e hna biju hna owisa, ke hnyok ka Khong: e ûcû öbun e ânyâ ta je ûnyi eling, ke ca hna but ta je ûnyi ang.

Ta je huliwa 20:20

ke oge me ca ikhâlâ ke ûnyi ae ûnyi hnathu, ke oge me omanenâ köbun, me nʼ öbun hnyi hnyimakan tavat, me hnyi ke uma me ke uma,

Ta je huliwa 20:27

Anyin oge me ca höcö omanenâ köbun ûnykûmânen hia Khong.

Deuteronomi 12:32

Haba ta je ûnyi hia oge me hûna köbun, me öbun e he ka tuö me ânyâ: u me ca he ka bi hanen ka hnyin, me ohia hanen.

Deuteronomi 31:3

Ke haba Iehova Khongom me e ame he ka bân ka hanyâûâ hnyi hnyimâkâm; ke e ame he ka ohia je hnyei eang hnyi hnyimâkâm, me me em biju: haba Josua me e ame he ka hanyâûâ hnyi hnyimâkâm, helâji me Iehova ame ha.

Deuteronomi 31:5

Kʼ ame he Iehova ka hnʼ ödra hnyi hnyimaköbun, mʼ öbun e he ka ânyâ ködra hoton je hna hûna hia oge, hia but hûna köbun.

Deuteronomi 31:7

Ke Mose ame hawo Josua me ha kâu hnyi hnyimakan at Isaraela hia, ka habe, Hwege thö, me hnyok baga but, anyin a u me he ka hom tavat eang ka hnyi hnyei waleji a khemanyin Iehova ka lakamödra, he ka ham ködra; ke u me he ka ohuâ e ködra.

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.

Deuteronomi 4:5

Wâ bi, oge hia but ûne köbun je hnanyibu me je hna owisa, helâ me Iehova Khonguk ame hûna könya, mʼ öbun ehe ka ânyâ helâe hnyi hnyei öbun e he ka hnyin he ka labā.

Deuteronomi 7:2

ke e ka he Iehova Khongom ka hnʼ ödra hnyi hnyimâkâm; awe, u me he ka kuc ödra me ti ohiʼ ödra hia; u me ca he ka ûhihinyköu mödra, me betenge gadra:

Josua 1:7

Ke so bi, hwege thö, me ti hnyok baga, mʼ u me he ka wâ wia me ânyâ hia hnanyibu a hûna köu Mose a athnyabaik: ca saû thö ûheny e ka hnyi ke keihen metâ, me me, mʼ u me he ka hu hnahic hnyi je dok hia u me he ka hnyin.

Josua 11:12

Ke haba Josua ame hûgûnâ je tauniny je than eling hia thithö, me je thaniny hia, me hling ödrin ge hele vat, me ti ohiʼ ödra; helâji me Mose athnyabai Iehova ame hûna.

Josua 11:14

Ke haba ta je omjeû hia hnyi je taun eling me omeno, me lakon Isaraela adre me hom hobi ködrin bi; ke so bi adre me hlingâ tavat hia thithö ge hele vat ke ne o but ame hiʼ ödra, ke ba but kolon ame menâ.

Josua 11:16

Ke Josua ame hom hnyei hia eling, a je hnyei ae hut, me je ke keihen ka hnyi hwaiöu hia, me hnyei Gosena hia, me hnyei ae ca hut, me dok ae tha hon, me hnyei ae hut hnyi Isaraela, me ke keihen e ae ca, hut;

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.