Josua 11:14 - Iaai Bible 1901 (New Caledonia)

¹⁴ Ke haba ta je omjeû hia hnyi je taun eling me omeno, me lakon Isaraela adre me hom hobi ködrin bi; ke so bi adre me hlingâ tavat hia thithö ge hele vat ke ne o but ame hiʼ ödra, ke ba but kolon ame menâ.

Josua 11:14 ပူးပေါင်းရင်းမြစ်များ

II. Man Ûlabainy Je Than. 20:25

Kʼ a o but Jehosafata me lakeiny he ka sö anyidrin ta je ûnyi, ödrin e wâ unyidrin je omjeû ae se hia tha e me je komok, me je omjeû ae so, wale ödrin e uny jut hobi ködrin bi, me ba hmetu hmai he ka hom: ke kun bongudrin ka labö sukhöûnâ ta je ûnyi, anyin ae ti gan.

Numera 31:9

Ke haba lakon Isaraela adre me hom hwenbâ omomoiny Midiana, me ta je ûhnyûkongidra; me hûgûnâ hia haledra je hnahat kau me mamoe, me je omjehedra

Deuteronomi 20:14

ke haba omomo, me tavat ae ûhnyûkong, me omeno, me ta je ûnyi hia hnyin taun, a ta je ûnyi hia hnân hûgûnâ, me u me he ka hom hnân hobi köu; ke u me he ka han ta je ûnyi anyin je iwahnaihmiony mou a ham köu Iehova Khongom.

Deuteronomi 20:16

Ke haba aten je taun ang a ham köu Iehova Khongom hnân em, me u me ca he ka omelö ke ûnyi ae hu homenâiny:

Josua 10:40

Me haba Josua ame kot hnyei hia ae hu buceniny, me hnyi Hwaiöu, me hnyei ae ca hut, me je hwatapkolu, me je thaniny hia thithö; e ba kolon e ame hna: ke e ame ohia ta je ûnyi hia ae hu homenâ, helâji me Iehova Khongon at Isaraela ame hûna.

Josua 11:11

Ke adre me kot tavat hia thithö hnyin ge hele vat, adre me tha ohiʼ ödra: ke ba kolon ame menâ: ke e ame le degecâ Hazora ge meic,

Josua 11:13

Ke haba je taun ame tot ethö hon anyidra je utkânâ ae görany, me at Isaraela adre me ca thong degecâ; ke Hazora thibi; Josua ame thong degecâ e.

Josua 11:15

Helâji me Iehova ame hûna kö Mose a athnyabainy, ke helâe Mose ame hûna kö. Josua: me Josua ame ânyâ helâe: e ame ca i degec ke ûnyi hnyi ta je ûnyi hia a hûna Iehova kö Mose.

Josua 8:2

ke u me he ka ânyâ ka Ai me thaniny, helâ me hnâm hna ânyâ ka Jeriko me thaniny: ke so je omjeûiny me je menoiny öbun e he ka hom hobi köbun bi: u me he ka ip mokut ke je aten vat hoton e.

Josua 8:27

Ke so bi haba at Isaraela adre me hom hobi ködra bi je meno me tang omjeûiny hnyei eling, helâ me hofuc ho Iehova e ame hûna kö Josua.