Josua 10:40 - Iaai Bible 1901 (New Caledonia)

⁴⁰ Me haba Josua ame kot hnyei hia ae hu buceniny, me hnyi Hwaiöu, me hnyei ae ca hut, me je hwatapkolu, me je thaniny hia thithö; e ba kolon e ame hna: ke e ame ohia ta je ûnyi hia ae hu homenâ, helâji me Iehova Khongon at Isaraela ame hûna.

Josua 10:40 ပူးပေါင်းရင်းမြစ်များ

I. Je Than 15:29

Ke e than dut, me e ame ie hlingâ lap hia anyi Jeroboama; e ame ca hna but ga Jeroboama ke at he ka möt ke ne o but e ame hlingâ; hoton hofuc ho Iehova waleji e ame ha a deny Ahia athnyabainy a at Silo:

Nehemia 9:24

Me ame he ka hnyin je lakon me hu hnyei, ke u je hom ûhnyûkongoâ hnyi hnyimaködrin at Kanana tavat a idrin hnyei, me hnʼ ödrin ka hnyi hnyamödrin, tha ödrin me je tuhödrin, me tavat aten hnyei, mʼ ödrin e he ka ânyâ wedrin ködrin.

Salamo 9:17

Ame be tavat ae kong ka hmetu ka hnyi hedis, Wale ta je hnyei hia adre me hnying Khong.

Esodo 34:12

Wâ wiö u bi, wâ u nye ânyâ ûhihinyköu me aten hnyei u me he ka hnyin, wâ e nye he ka nuc u helâ me hnewe unyâm:

Numera 13:17

Ke Mose ame kunʼ ödrin he ka ecmâkâ hnyei Kanana, me ha ködrin, ka habe, Öbun e he ka ölö hnyi Hwaiöu, ke öliâ thö je bucen:

Deuteronomi 1:7

hwio thʼ öbun me he ka hnyi bucen anyin at Amora, me je dok ae hakekeny kâ e, hnyi Arabah, hnyei ae hu je bucen hnyin, me hnyei ae hnyikânâ, me hnyi ke keihen ka hnyi Hwaiöu, me hobatköiö, a hnyei iny at Kanana, me Lebanona, ke ne o but hnyi wagewe ae gan, a wagewe Euferate.

Deuteronomi 2:34

Me ate me hûgûnâ anyin ta je taun hia hnyi ûen eling, me ti ohia je taun adre labā, tha e me je momo me tavat ae ûhnyûkong; ke ba kolon:

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

Josua 10:35

ke ödrin e hûgûnâ e hnyi bong eling, me kot e ge hele vat, ke e ame ohia tavat hia thithö hnyin hnyi bong eling helâji me hnen hna ânyâ hia ka Lakisa.

Josua 10:37

ke ödrin e hûgûnâ e, me kot ge hele vat, me thaniny, me je tauniny hia, me tavat hia hnyin; e ame ca hna but kolon, helâji me hnen hna ânyâ hia ka Egelona: ke e ame ti ohia e me tavat hia thithö hnyin.

Josua 10:39

ke e ame hûgûnâ e, me thaniny, me je tauniny hia thithö; ke adre me kuc ödrin ge hele vat, me ti ohia tavat hia thithö hnyin; e ame ca hna but ke kolon: helâji me hnen hna ânyâ ka Heberona, helâe minya e ame ânyâ ka Debira me thaniny; ke helâji me hnen hna ânyâ ka Libena me thaniny.

Josua 11:16

Ke Josua ame hom hnyei hia eling, a je hnyei ae hut, me je ke keihen ka hnyi hwaiöu hia, me hnyei Gosena hia, me hnyei ae ca hut, me dok ae tha hon, me hnyei ae hut hnyi Isaraela, me ke keihen e ae ca, hut;

Josua 12:8

hnyi hnyei ae hut, me hnyei ae ca hut me je dok ae tha hon, me je hwatapkolu, me hnyebuba, me hnyi Hwaiöu; a at Heth, me Amora, me Kanana, me Perizi, me Hivi, me Jebusi:

Josua 18:21

Ke walang je taun anyin je tribuiny laku Beniamina hoton anyidrin je lap, Jeriko, me Beth-ogela, me Emeka-Keziz;

Josua 6:17

Kʼ adre me he ka ke ip taun, me ta je ûnyi hia eû hnyin hobi kö Iehova: ke Rahaba thiju momo hnyi gethen a gʼ ame he ka möt, e me hnyat hia thithö unyin hnyi uma, anyin a e ame ikhâlâ li metâ otin e kunâ.

Josua 8:2

ke u me he ka ânyâ ka Ai me thaniny, helâ me hnâm hna ânyâ ka Jeriko me thaniny: ke so je omjeûiny me je menoiny öbun e he ka hom hobi köbun bi: u me he ka ip mokut ke je aten vat hoton e.

Josua 8:27

Ke so bi haba at Isaraela adre me hom hobi ködra bi je meno me tang omjeûiny hnyei eling, helâ me hofuc ho Iehova e ame hûna kö Josua.

Josua 9:24

Ke ödrin e thu kö Josua, ka habe, Adre me ha hnathoâ ka lathnyabaem a Iehova Khongom ame hûna kö Mose a athnyabainy he ka ham köbun hnyei hia thithö, me he ka ohia aten hnyei hnyi hnyimaköbun, anyin a wale öhmun e ot gan hmâ me bemöt gabun, waleling mʼ öhmun e ânyâ ûnyi e.