Josua 10:39 - Iaai Bible 1901 (New Caledonia)

³⁹ ke e ame hûgûnâ e, me thaniny, me je tauniny hia thithö; ke adre me kuc ödrin ge hele vat, me ti ohia tavat hia thithö hnyin; e ame ca hna but ke kolon: helâji me hnen hna ânyâ ka Heberona, helâe minya e ame ânyâ ka Debira me thaniny; ke helâji me hnen hna ânyâ ka Libena me thaniny.

Josua 10:39 ပူးပေါင်းရင်းမြစ်များ

II. Je Than 10:11

Ke wale Jehu ame kot kolon hia lap anyi Ahaba hnyi Jezerela, me anyin je at hnathu hia, me je waeny, me anyin tavat bihut, ke ne o but ame ba but kolon.

Obadia 1:18

Ke ame he lap anyi Jekob ka meic bi, ke lap anyi Josefa ka bâhlân, ke lap anyin Esau helâ me thatûnyin hwit, me adre me he ka vhök ödrin me thong degeci ödrin: ke ame he ka ba kolon lap anyi Esau, anyin a hia but ha Iehova.

Deuteronomi 3:3

Ke Iehova Khonguta ame hnö Oga minya thaniny Basana me lakeiny hia ka hnyi hnyamöta, mʼ ate me kuc ödra, ke ne o but ame ba kolon.

Josua 10:33

Me ame he but Horema thaniny Gezera he ka hadruâ at Lakisa; ke haba Josua ame kot e me lakeiny ke ne o but ame ba but kolon.

Josua 10:37

ke ödrin e hûgûnâ e, me kot ge hele vat, me thaniny, me je tauniny hia, me tavat hia hnyin; e ame ca hna but kolon, helâji me hnen hna ânyâ hia ka Egelona: ke e ame ti ohia e me tavat hia thithö hnyin.

Josua 10:38

Ke haba Josua ame tha hmetu me at Isaraela hia Debira ai; me vat mē:

Josua 10:40

Me haba Josua ame kot hnyei hia ae hu buceniny, me hnyi Hwaiöu, me hnyei ae ca hut, me je hwatapkolu, me je thaniny hia thithö; e ba kolon e ame hna: ke e ame ohia ta je ûnyi hia ae hu homenâ, helâji me Iehova Khongon at Isaraela ame hûna.

Josua 11:8

Ke Iehova ame hnʼ ödra ka at Isaraela, me adre me kuc ödra, me hnu ödra ke ne o but Zidona ae gan, ke ne o but Miserefo-maim, me hnyigöulen bucen Mizepa e deiö; me adre me kuc ödra ke ne o but ame ba but kolon.

Josua 12:13

than Debira, khaca; than Gedera, khaca;

I. Samuela 15:3

Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.

I. Samuela 15:8

Ke e ame hom meli Agaga thaniny at Amaleka, ke adre me tha ohia tavat hia ge hele vat.