Josua 10:27 - Iaai Bible 1901 (New Caledonia)

²⁷ Ke ame he bi seûno ka dit, me haba Josua ame hûna, mʼ adre me hum ödrin hnyikânâi ûnyi hnyi je ûö, me khûʼ ödrin ka hnyi op, wale ödrin e lubaduöng hnyin, me ip je veto ae gan ka hnyi hnyimen op ke ne o but hnyi bong ang.

Josua 10:27 ပူးပေါင်းရင်းမြစ်များ

II. Samuela 18:17

Ke ödrin e hum Abasoloma me khûâ ka hnyi thop ae gan hnyi hnyot, me ti khon gânâ je veto hon: ke Isaraela hia ödrin e ve kec ka hnyi umödrin je uma mano.

Josua 4:9

Ke haba Josua ame hwa je veto a twelv eû hnyi wanben Joridano, hnyi dok ame tot hnyin li can hnyat bihut, hnyat ödrin e vadren tangen ûhihinyköu: ke ka eling ke ne o but hnyi bong ang.

Josua 7:26

Me adre me khon gânâ je veto ethö hon, a wale bi e ke ne o but hnyi bong ang; me haba Iehova ame hwiö ûnyi hnyi anyin hmönyin ae hwege. Anyin a wale adre me hwenyi ien dok eling, me, Hnyigöulen bucen Akora ke ne o but hnyi bong ang.

Josua 8:29

Ke e ame uhno thaniny Ai hon ûö ke ne o but hnyi sahac: ke hnyi ûen ame didrut seûno Josua ame ûkhûnöng he ka hom but hnyikânâi unyin ûnyi hnyi ûö, me khûâ e hnyi homagouleny taun, me khon veten hon e ae gan hmâ, ke ne o but hnyi bong ang.