Josua 10:24 - Iaai Bible 1901 (New Caledonia)

²⁴ Ke ödrin e hia but hom kö Josua je than eling a thabûng, me haba Josua ame hawâ at Isaraela hia thithö, me ha ka je taben vat a tha he mē, ka habe, Ai öbun jem me uto ju nyin je than eang. Me ödrin e he me uto je nyidrin.

Josua 10:24 ပူးပေါင်းရင်းမြစ်များ

II. Samuela 22:39

Ke oge hia but ohiʼ ödrin, me dâoi ödrin, me me ca khanʼ ödrin bi tot: Eke, ödrin e ta but hmelen li cak.

II. Samuela 22:41

Ke u je wia hoton könya je iwahnaihmiöny mönya, Mʼ oge me he ka ohiʼ ödra adre me hûkötiö nya.

Salamo 107:40

E ame hingâlâ hna hûkotiâ ka hnyi hon ta je tuhan, Me kunʼ ödra he ka he monu hnyi hnyebuba ae ba getheniny.

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 110:5

Haba Than hnyi hnyamâm a metâm, Ame he ka kot muâ ta je than hnyi bonginy anyin hmönyin.

Salamo 18:40

U je wia hoton je iwahnaihmiony mönya könya nya bi, Me inye he ka subâ degecâ tavat adre me hûkötiö nya.

Salamo 91:13

U me he ka uto liona me asip: U me he ka uto nak liona me on ge li cam.

Isaia 51:23

ke oge me he ka ip e hnyi hnyamen tavat adre me oveci u; waleji tavat adre me hia but ha köu, ka habe, Nom ju mʼ öhmun e he ka he but hom: ke u je hia but ham jom hnân hing kânâ, ke helâ me gethen, ka tavat adre me vheno.

Malaki 4:3

Ke öbun e he ka uto tavat ae kong; anyin adre me he ka helâ me hnabadröu hmelen je hnyeûcabun hnyi bong waleji oge me thu, haingö Iehova tuhan sabaoth.

Roma 16:20

Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

Deuteronomi 33:29

Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.

Heberu 1:13

Ke ie angela e ame ha gan hnyi je ûen hia, ka habe, Laba ju hnyi ke keihen a metök, Ke ne o but oge me he ka wia ta je iwahnaihmiony möu me hnân taben li cam?

Owisa 8:20

Me e ame ha kö Jethrö a nokon a atö, ka habe, Todrö, hlingʼ ödru but. Ke haba hidröu ame ca oc hele vat, anyin ae ot, kʼ ame tiga thoth.