Josua 10:20 - Iaai Bible 1901 (New Caledonia)

²⁰ Ke a um dö kuc ödra Josua me lakon Isaraela, ke gan hmâ hna kuc ödra ke ne o but ame ba but, ke haba kolon ödrin e dit ka hnyi je taun adre up haginy,

Josua 10:20 ပူးပေါင်းရင်းမြစ်များ

II. Samuela 20:6

Haba Davita ame ha kö Abisai, ka habe, Ame he walang ang Seba nöku Bikeri ka okongu otin hu Abasoloma: he thö ka hom lathnyabainy tuhâm, me hnu e, wâ e nye hu gan je taun adre bi haginy ge veto, me kec gatin.

I. Je Than 20:21

Ke haba than Isaraela ame he me kât je hors me kariota, me hlingâ at Suria ke se hia hna hlingâ.

II. Man Ûlabainy Je Than. 13:17

Ke haba Abia me lakeiny ödrin e kuc ödrin, ke gan hmâ hna hlingʼ ödrin: ke ame ta but a mokcu hnyat a faiv haded thauzan at Isaraela, hnyat adre ûca.

Jeremia 4:5

Khetâ thö hnyi Juda, ke haimemenâ thö hnyi Jerusalema me ha, ka habe, Ûkhacaköu thö, ate me he ka didro ka hnyi je taun adre up haginy.

Jeremia 8:14

Ke ieû ate me he ka laba monu gan? Ûkhacaköu thö, me ate me he ka dit hnyi je taun adre up haginy, me laba hnyibû eling: anyin a Iehova Khonguta ame öbnyibû öta, me habelita ge köiö adre me mekiny, anyin ate me hia but ânyâ hwakecin ae kong kö Iehova.

Deuteronomi 20:16

Ke haba aten je taun ang a ham köu Iehova Khongom hnân em, me u me ca he ka omelö ke ûnyi ae hu homenâiny:

Josua 10:10

Ke haba Iehova ame ohmakiʼ ödra hnyi hnyimakan at Isaraela, me kuc ödra, ke gan hmâ hna kuc ödra hnyi Gibeona, me hnu ödra tilʼ ödra hnyi gethen ame ölö Bethe-horona ai, me kuc ödra ke ne o but Azeka, me Makeda.

Josua 10:19

ke ca bec öbun; hnu je iwahnaihmiony möbun, me kot tavat wale a bilidra; ca hnʼ ödra bi he ka dit ka hnyi anyidra je taun: anyin a Iehova Khongubun ame hnʼ ödra köbun.

Josua 10:21

me ame hmetu tavat hia ka hnyi hna hunuma kö Josua hnyi Makeda, hnyi hnahic: ke ame ca bwebwet bohmen ke at ka lakon Isaraela.

Josua 11:12

Ke haba Josua ame hûgûnâ je tauniny je than eling hia thithö, me je thaniny hia, me hling ödrin ge hele vat, me ti ohiʼ ödra; helâji me Mose athnyabai Iehova ame hûna.

Josua 11:8

Ke Iehova ame hnʼ ödra ka at Isaraela, me adre me kuc ödra, me hnu ödra ke ne o but Zidona ae gan, ke ne o but Miserefo-maim, me hnyigöulen bucen Mizepa e deiö; me adre me kuc ödra ke ne o but ame ba but kolon.

Josua 8:24

Ke a hia but at Isaraela kot at Ai huyi hnyei, hnyi hnyebuba wale adre me hnu ödra hnyin, ke adre me ta hia ge hele vat, me ohiʼ ödra, me ame hmetu Ai ai at Isaraela hia thithö, me kot e ge hele vat.