Josua 1:7 - Iaai Bible 1901 (New Caledonia)

⁷ Ke so bi, hwege thö, me ti hnyok baga, mʼ u me he ka wâ wia me ânyâ hia hnanyibu a hûna köu Mose a athnyabaik: ca saû thö ûheny e ka hnyi ke keihen metâ, me me, mʼ u me he ka hu hnahic hnyi je dok hia u me he ka hnyin.

Josua 1:7 ပူးပေါင်းရင်းမြစ်များ

I. Je Than 2:2

Oge me he ka vheno gethen deny aten hmeledrany hia: bethe hwege ju u, me hnyok baga thö;

I. Je Than 2:3

ke tuö je hanymâm ûnyi ga Iehova Khongom, he ka vheno deny je gethen, me tuö anyin je hna hûna, me anyin je hnanyibu, me hnen je hna owisa, me hnen je hna otilâ, helâji me hna sihnalimen hnyi tusi anyi Mose, mʼ u me hnahic hnyi ta je ûnyi hia u me he ka ânyâ, me ta je dok u me he ka he kâu:

II. Je Than 22:2

Ke ame ânyâ ûnyi ae so hnyi hnyimakö Iehova, me vheno gethen hia de Davita a kiben, kʼ ame ca saû ka hnyi ke keihen metâ me me.

I. Man Ûlabainy Je Than. 22:13

Me u me he ka hnahic u je ne kong hnyekunâ he ka ânyâ je hna otilâ me je hna owisa waleji a hûna Iehova kö Mose ge at Isaraela: hwege thö, me hnyok baga but; ca ot bi me öbubuny.

II. Man Ûlabainy Je Than. 15:7

Ke hwege thʼ öbun, ke ca ohimö je hnyamöbun; anyin adre me he ka bi hwaban anyibun huliwa.

II. Man Ûlabainy Je Than. 26:5

Ke e ame penapena hnyekon he ka elâm Khong hnyi je bong bongu Zakaria, at a hu metâ hnyi je hna omanenâ hnen Khong: ke haba hnyi ta je bong e ame elöm Iehova me haba Khong ame ohnahicâ e.

Jobu 1:8

Haba Iehova ame ha kö Satana, ka habe, Hawa, u je wâ ûnykûme athnyabaik a Jobu, anyin ae ba ke at ae ûcû mē eang hmeledrany, at ae ti so hwakecin ke wisa, at ame outen Khong, me ûsâkâûö me hulo.

Salamo 80:19

Iehova lö, Khongon sabaoth, ohmetu ohmun ju; Omelamâ thö hnyimâkâm, mʼ ohmun e möt ut.

Ta je Vejec 4:27

Ca saû bi ka hnyi ke keihen metâ me me: Oc ut cam ûnyi hnyi hulo.

Ta je Vejec 8:20

Inya oge me vheno gethen ae wisa, Hnyi wanben je gethen owisa:

Daniela 10:19

Ke e ame ha, ka habe, At adre me betenge gan lö, ca he bi ka ot; hnahic ju, hwege thö, eke, hwege thö. Ke a hia but fuc könya, me oge me hwege but, me ha, ka habe, Than lö, ha thö; anyin a u je ohwegiö nya.

Numera 27:23

me e ame ip li hnyamen hon, me hûna kâu, helâ ma hna ha hnö Iehova a deny Mose.

Deuteronomi 11:8

Anyin a wale hamöbun he ka tuö je hnanyibu hia oge me hûna köbun hnyi bong ang, mʼ öbun e hwege, me he, me hu hnyei öbun e he kâu, mʼ öbun e he ka hu;

Deuteronomi 12:32

Haba ta je ûnyi hia oge me hûna köbun, me öbun e he ka tuö me ânyâ: u me ca he ka bi hanen ka hnyin, me ohia hanen.

Deuteronomi 28:14

ke ca saû ka hnyi ke keihen metâ, me ke keihen me, a ûnyi hnyi je hofuc oge me hûna köu hnyi bong ang, he ka hnu hoton ke je khong me bi athnyabaidrin.

Deuteronomi 29:8

me otin e hûgûnâ idru hnyei me ham e me iny at Reubena, me Gada, me hafiny tribu Manase.

Deuteronomi 29:9

Anyin a wale tuö ju ta je hofuciny ûhihinyköu eang, me ânyâ, mʼ öbun e hnahic hnyi ta je ûnyi hia öbun e ânyâ.

Deuteronomi 31:7

Ke Mose ame hawo Josua me ha kâu hnyi hnyimakan at Isaraela hia, ka habe, Hwege thö, me hnyok baga but, anyin a u me he ka hom tavat eang ka hnyi hnyei waleji a khemanyin Iehova ka lakamödra, he ka ham ködra; ke u me he ka ohuâ e ködra.

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.

Deuteronomi 5:32

Ke wâ wia ju öbun he ka ânyâ helâ me Iehova Khongubun ame hûna köbun: ca he öbun ka saû ka hnyi ke keihen metâ me me.

Josua 1:1

HWABAN mok a Mose athnyabai Iehova, me haba Iehova ame ha ko Josua nöku Nuna, athnyabai Mose, ka habe,

Josua 1:8

Haba tusiny hnanyibu eang, me ame ca he ka hia ûnyi hnyi hnyimâm, ke u me be ka ûnykûme e hnyi lany me lit, me tuö me ânyâ hia helâ me hna sihnalimen hnyin: mʼ u me he ka so hnyi dem je gethen, mʼ u me he ka hnahic.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Josua 11:15

Helâji me Iehova ame hûna kö Mose a athnyabainy, ke helâe Mose ame hûna kö. Josua: me Josua ame ânyâ helâe: e ame ca i degec ke ûnyi hnyi ta je ûnyi hia a hûna Iehova kö Mose.

Josua 23:6

Anyin a wale hwege thʼ öbun he ka tuö me ânyâ ta je ûnyi hia adre sihnalimen hnyi tusi hnanyibu anyi Mose, me ca saû bi ka hnyi ke keihen metâ me me;