Jona 4:2 - Iaai Bible 1901 (New Caledonia)

² Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Jona 4:2 ပူးပေါင်းရင်းမြစ်များ

I. Je Than 19:4

Ke e ame he ka hnyi hnyebuba, a khaca bongon ka he; ke e ame o but me laba ju hmelen ûö ratami: ke e ame sumâtâ me me he ka mokcu; haingen, ka habe, Soju; walang ang, Iehova lö, hom dö anyik möt; anyin a iny ca so hon lakamök.

Salamo 103:8

E unöngötö Iehova ge ibetengiö me betenge ae menyik, Ke bec he ka hmonyin, ke gan hmâ anyin betenge.

Salamo 145:8

E betenge baû me betenge vec Iehova; E bec he ka hmönyin, ke betenge gan hmâ.

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Salamo 90:13

Iehova lö, metu ju; ke ne o but kehö? E so u ma ietra ge ta je lathnyabaem.

Esodo 32:14

Ke haba Iehova ame ietra monu, wale e ame ha he ka ânyâ ka lakeiny.

Jeremia 18:8

ame ne he hnyei eling wale oge me fuc gan he ka hmetu ûnyi hnyi anyidra hulo, awe, oge me he ka ietra ûnyi ae kong waleji oge ûnykûme he ka ânyâ kodra.

Jeremia 20:7

Iehova lö, u je hia but cubic nya, me oge me hmehmela: u hwege huk, me ame tom: iny taben ûhiö hnyi je bong hia, ame hlumö nya hnen ke at me ke at hnyi ta je bong hia.

Jeremia 26:13

Ke walang ang ânyâwia thö debun je gethen, me je hwakecibun, ke long ju ifuci Iehova Khongubun; me me he Iehova ka ietra ûnyi ae kong waleji e ame ha gabun.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Amosa 7:3

Haba Iehova ame ietra ûnyi e: Ame ca he ka hwâdâ haingo Iehova.

Amosa 7:6

Haba Iehova ame ietra ûnyi e: Ame ca he ka hwâdâ haingen Than Iehova.

Jona 1:3

Me haba Jona ame tpdrö me kec Tasesa ai ge hnyimakö Iehova; ke e ame he Jopa ai, me wâ ke hu ame he Tasesa ai: ke e ame bi hwaban hna houden e, me dit hnyi hnyin hu, he ka tha kec mʼ ödrin Tasesa ai, ame kec ge hnyimakö Iehova.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Jona 3:9

E khanö ia, ame ne he Khong ka hwio me ietra, me degec anyin hmonyin ae gan, mʼ ate me ca he ka mok?

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Luka 10:29

Ke e ame weny he ka hai wisa e bi, me e ame ha kö Iesu, ka habe, Ie at ae hakekeny könya?

Deuteronomi 4:31

anyin a haba Iehova Khongom me Khong ame betenge; e ame ca he ka hna degeci u, me ohiö u, me hnying anyin ûhihinyköu me lakâmâm, waleji e ame khemanyin ködrin,