Jona 3:6 - Iaai Bible 1901 (New Caledonia)

⁶ Ke ame o but ûthumetu ka than Nineve, me e ame todrö ûheny hnyi anyin theron, me uny jut anyin ûkhaû me khavâ ec mano ae gan nân, me laba ju hnyi hnabadröu.

Jona 3:6 ပူးပေါင်းရင်းမြစ်များ

I. Je Than 21:27

Ke a long ut Ahaba ta je hofuc eling, me e ame kia anyin ûkhaû, me khavâ ecmano ae gan nân, kʼ ame ca han, kʼame mokulec ec mano ae gan nân, me he menyöng.

Jobu 2:8

Ke e ame hom ke watagi kaia me khudreû unyin; ke e ame laba hnyi hnabadröu.

Jobu 42:6

Anyin a wale, oge me ikiki nya bi me ietra Hnyi sesâ me hnabadröu.

Isaia 15:3

Hnyi dedra je gethen adre me weikâ ecmano ae gan nân: ödra hia adre me kuku tenge, me tenge gan hmâ hon ban umödra je uma, ke hnyi je hnaudrâ.

Jeremia 13:18

Ha thö ka than me momo than, ka habe, Öhnyikönʼ öbun ju, ke laba ju: anyin a kolu but anyibu li korona ae mec, wale koronainy anyibun hmanenang.

Jeremia 36:13

Me haba Mikaia ame thumetu ödrin ge ta je hofuc hia waleji e ame löng, hnyi ûen Baruka ame aû tusi ka hnyi hnyikonyen tavat hia.

Jeremia 36:24

Ke ödrin e ca ot bi, me kia anyidrin je ûkhaû, wale than me je athnyabainy hia, tavat ödrin e löng ta je hofuc hia eling.

Jeremia 6:26

Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Je tenge anyi Jeremi 2:10

Haba wahingatin hlu Ziona adre me laba hnyi kânâ, adre me hnyibû; Adre hia but konâm je bödra ge kânâ; adre hia but weikâ ecmano ae gan nân: Je wahluiny Jerusalema adre me nom hnyikânâi.

Je tenge anyi Jeremi 3:29

Hamen he ka ciron hnyimen eû hnyikânâ; ame ne hu gejon.

Ezekiela 26:16

Haba hnyi ûen eling me ame he ka utut ta je thaniny köiö hia ûhedrin hnyi hon anyidrin ta je theron, me ip anyidrin je ûkot, me uny anyidrin ta je ûkhaû ae ve bongon bi: kʼ adre me he bi ka okhaûʼ ödra ge öbubuny; kʼ adre me he ka laba hnyi kânâ, ke adre me he ka labö öbubuny, me uthmâhmâ gam.

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Mika 1:10

Ca he bi ka ha hnyi Gatha, ke ca tenge bi: oge hia but seset hnyi kânâ hnyi Bethe-le-Afera.

Mataio 11:21

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ unyibun, adre me ne hia but ietra me ecmano ae gan nân me hnabadröu.

Luka 10:13

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ eang unyibun, adre me ne hia but ietra me laba me ecmano ae gan nân me hnabadröu.