Jona 3:4 - Iaai Bible 1901 (New Caledonia)

⁴ Ke haba Jona ame hwân ka dit hnyi taun, ke khaca bong ka he, me e ame hongot, me ha, ka habe, Fâte biju ta bong me adre me he ka ohia but Nineve.

Jona 3:4 ပူးပေါင်းရင်းမြစ်များ

II. Je Than 20:1

KE haba hnyi ûen eling ame he but Hezekia ka mokcu. Me ame o kâu Isaia perofeta nöku Amosa, me ha kâu, ka habe, Walang hna ha hnö Iehova, ka habe, Ûhûne thö me ânyâm lap; anyin a u me be ka mokcu, mʼ u ca he ka möt bi.

II. Je Than 20:6

Me oge me he bi nya ka bi hanen bongom je bong ama fiftin je huna; me oge me he ka omeli u me taun eang ûnyi hnyi hnyamen than Asuria, ke oge me he ka söng taun ang gak bi, me ga Davita athnyabaik.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Jona 3:10

Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.

Mataio 12:41

Ame he at Nineve ka tha tot me dö ang hnyi hna owisa, ke adre me he ka ha hnaûhangoâ e: anyin adre me ietra hnyi hna khetâ hnö Jona; ke wâ bi walang at ae beönua hu Jona.

Luka 11:30

Anyin a haba Jona, me haten ka at Nineve, kʼ ame he Nokon at ka helâe ka dö ang.

Luka 11:32

Ame he at Nineve ka tha tot me dö ang hnyi bong owisa, me ha hnaûhangʼ ödra: anyin adre me ietra hnyi hna khetâ hnö Jona; ke wâ bi, wale bi ang at ae beönua hu Jona.

Deuteronomi 18:22

Haba, e ka he perofeta ka ha hofuc hnyi iö Iehova, kʼ ame ca o bi ûnyi, kʼ ame ca hwâdâ bi, awe, wale hofuc ame ca ha Iehova: ke ame hia but ha e sheshamökâ hnen perofeta, mʼ u me ca he ka outen at e.