Jona 2:9 - Iaai Bible 1901 (New Caledonia)

⁹ Ke oge me he bi nya ka bi hut köu me hwan ole; Oge me he ka thamuâ anyik khöbi. Haba ûhomeli ûnyi ga Iehova.

Jona 2:9 ပူးပေါင်းရင်းမြစ်များ

Genese 35:3

kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin.

II. Samuela 15:7

Ke hwaban je huna a fâte, Abasoloma ame ha ka than, ka habe, Ö u hnö nya he ka he ka subâ anyik khöbi, wale o ge hûkâlâ kö Iehova hnyi Heberona.

Jobu 22:27

U me he ka hic kâu, ke e ame he ka ling u; Ke u me he ka hwâdâ ânyâm je hna bi khöbi.

Salamo 107:22

Ke so adre me he ka hudo je hudiny ole, Me ha anyin ta je huliwa me khumöngö.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 3:8

E unyi Iehova ûhomeli: E na e ju ânyâm hnahic ka hnyi hon lakem. [Sela.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Salamo 50:23

Haba tavat hia adre me hudo ole, me adre me oganö nya; Ke oge me he ka omanenâ ûhomeli anyin Khong Ka at ame penapena deny gethen.

Salamo 68:20

Haba Khong, me Khongon ûhomeli hobi köta; Ke e unyi IEHOVA Than je deny he ka kec ge mok.

Salamo 95:2

E so ate me o but ka hnyi hnyimakan me ole, E so ate me hongot senyin kâu ge je salamo,

Isaia 45:17

Ke adre me he ka omeli Isaraela unyi Iehova hnyi möt ame ca ba balua: öbun e ca he ka hmehma me hlohlo nyiele balua.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Ioane 4:22

E ca khanʼ öbun hnobun hna hmi kâu; ke e khanʼ ohmun hnöhmun hna hmi kâu: anyin a ûnyi ge at Juda ûhomeli.

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Deuteronomi 23:18

U me ca he ka hom ka hnyi uma umo Iehova hwaban momo hnyi gethen, ke hwaban kuli hnân bi khöbi: anyin a wale li ûnyi a ikikiâ Iehova Khongom.

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

Hna Omanenâ 7:10

ke adre me ha hwegiâ, ka habe, Haba möt me ûnyi ge Khonguta at ame laba hon theron, me ûnyi ge Arenio.

I. Samuela 12:21

ke ca he öbun ka saû: ke helâe öbun e be ka he hoton ta je ûnyi baû ae ca khana he ka bi troban me möt, anyin ae ba onyen.