Jona 1:7 - Iaai Bible 1901 (New Caledonia)

⁷ Ke ödrin e ûhaköuâ, ka habe, Otin a ugleköp, me me manen kötin can ia ame o ûnyi eang ae kong kötin. Me ödrin e ugleköp me ame hwâdâ kö Jona leköp.

Jona 1:7 ပူးပေါင်းရင်းမြစ်များ

Esetera 3:7

Haba hnyi tehi a bân, wale tehi Nisan, hnyi huna a twelviny musi anyi Asueru, me ödrin e ânyâ Puro, wale ugleköb, hnyi hnyimakö Hamana hnyi ke bong me ke bong, me ke tehi me ke tehi, ke ne o but hnyi tehi a twelviny, wale tehi Adara.

Jobu 10:2

Kʼ oge me he ka ha ka Khong, ka habe, Ca he ka haikongu nya; Omanenâ thö könya can u me û nya gan.

Salamo 22:18

Adre me khenâ anyik je ûkhaû unyi drin bi, Me ugleköbâ anyik ûkot.

Ta je Vejec 16:33

Adre me khûâ leköp ka hnyi hon li jevan, Ke hamö Iehova he ka muso hia.

Numera 32:23

Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.

Mataio 27:35

Ke adre hia but osatauroâ e, me adre me khenâ anyin je ûkhaû kodra bi, adre me ugleköbâ:

Ta je huliwa 13:19

Ke a hia but ohia je hnyei a seven hnyi hnyei Kanana, e ame khene idra mʼ adre me labâ helâke foa haded me fifte je huna:

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Josua 7:10

Ke Iehova ame ba kö Josua, ka habe, Höhöi thö; ieû gam u me mokut hnyimâm hnyikânâi helâe?