Jona 1:5 - Iaai Bible 1901 (New Caledonia)

⁵ Me ame ot aten hu, me ve tenge ka anyidrin je khong; ke ödrin e khûâ hnyiköiöai je omjeû ûnyi hnyi hu me me hâhâ thö. Ke haba Jona, me ame hia but utut ka hnyi hnyin hu; ke e ame mokut, me mokut hnying.

Jona 1:5 ပူးပေါင်းရင်းမြစ်များ

I. Je Than 18:26

Ke ödrin e hom bolok adre ham ködrin, me penapena, me hawâ iö Baala hwân hnyi hnyomakatu ke ne o but jebigö, me ha, ka habe, Baala lö, long ju kohmun. Ke ba hwan, me ba at ame thu. Me ödrin e gâ hon taben hut adre hia but ânyâ.

Jobu 2:4

Haba Satana ame thu kö Iehova, ka habe, Unen, hwaban unen, eke, haba ta je ûnyi hia hnen at hna hu, me e ame he ka ham hwaban anyin möt.

Salamo 107:25

Anyin a e ame hûna, me okûâ ang ae hwege, Wale ame vhik dö ta je waköiö.

Salamo 148:8

Meic me we wahma, kiona me hai; Ang ae hwege, at ame hwâdâ hwan hofuc:

At Khet 3:6

ûen hlo, me ûen okolo; ûen tuö, me ûen degec;

Isaia 45:20

Ûkhacaköu thö ke ai öbun; tha hakekenyâ ju, öbun tavat öbun e kec möt ûnyi hnyi je hnyei: e ca hu metâ gadra adre me hom tilâ ûtoiny anyidra je idola, me hic ka khong ae ca khana he ka omelo.

Jeremia 2:28

Ke ewa je khongom waleji u je ânyâ hobi köu? Hamödrin he ka tot, a ne khanʼ ödrin he ka omeli u hnyi ûen u me vec hnyin: anyin ae ûcû ûseiny ânyâm je khong, Juda, me ânyâm je lap.

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.

Jona 1:14

Anyin a wale ödrin e tenge kö Iehova, me ha, ka habe, Iehova lö, ohmun e khöû köu, öhmun e khöû köu, ohmun na ca he ju ka mok can at ang, ke ca he bi ka ip huhmun dra ae ba hnyikongon: anyin a u Iehova u je hia but ânyâ helâ me wem.

Jona 1:16

Haba tavat ödrin e ot gan hmâ ga Iehova, me bi hut kö Iehova, me bi khöbi.

Jona 1:6

Me haba tuhan hu ame ölö but kâu me ha, ka habe, Ieû gam u at mokut hnying? todrö me tenge ka Khongom, ame ne he Khong ka ûnykûmi otin, me otin e ca mok.

Mataio 25:5

E tiga bec at a tep faipoipo, me ödrin hia ödrin e ta mokut me mokut.

Mataio 26:43

Me e ame o hmetu me ö ʼdrin ödrin e mokut hmetu, anyin ae hmak je emaködrin.

Mataio 26:45

Me e ame o ka laten me ha ködrin, ka habe, Mokut ju öbun, me menâ: wâ bi, e hakekeny jut awa, ke adre hia but alecuâ Nokon at ka hnyi je hnyamen tavat ae kong.

Ta je huliwa 27:38

Ame sekudra thö anyin han, me adre me ohâhâ hu, me degec hwit hnyi köiö ai.

Owisa 16:19

Me momo ame hawâ e ka mokut me ban hon jevan; me e ame hawâ ke at he ka subâ je ohmuen ban a seven, me e ame hwân he ka hom ûhnyûkongoâ, me ame he but tang hwegien ûnyi gan.

I. Samuela 24:3

Ke e ame o but hnyi je haginy mamoe eû hnyi gethen, wale ae hu op; ke Saulo ame didro he ka tube li can. Ke Davita me lahien ödrin e laba hnyi je ouben op.