Jona 1:2 - Iaai Bible 1901 (New Caledonia)

² Todrö he thö Nineve ai, wale taun ae gan, me fuc hwege ûcon; anyin a o but hnyi hnyimakök anyidra monu.

Jona 1:2 ပူးပေါင်းရင်းမြစ်များ

Genese 10:11

E ame he but ûheny hnyi hnyei eling Asuria ai, me otilâ Nineve, me Rehoboth-Ir, me Kala,

II. Je Than 19:36

Me ame todrö Saneribi than Asuria, me he, me laba hnyi Nineve.

II. Man Ûlabainy Je Than. 28:9

Ke e hu eling ke perofeta anyi Iehova, Obed ien: ke e ame he me ûkhanö me je utbavat adre me o hnyi Samaria, me ha ködrin, ka habe, Wâ bi, anyin a Iehova Khongon lakamöbun ame hmonyin ka at Juda, me ame hnʼ ödrin ka hnyi hnyamöbun, mʼ öbun e hia but hlingʼ ödrin kʼ ame sâ thö hnyi drany ai anyibun hmonyin.

Ezera 9:6

me oge me ha, ka habe, Khonguk lö, iny hmehma but me hmak he ka hngele hnyidranyai köu Khonguk: anyin ae gan hmâ hnyikonguhmun hnyi hon je hohmun, ke gan hmâ anyihmun hulo ke ne o but hnyi drany.

Isaia 37:37

Me ame todrö Saneribi than Asuria me he, me laba hnyi Nineve.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 20:9

Ke oge me ha, ka habe, Oge me ca he ka hâiâ e, me fuc hmetu hnyi ien, ke haba, e bi û hnyi hnyekuk helâ me meic ae mot, adre hlöng hnyi hnyin je jeiok, ke iny sënyin dut anyin hokhnyok, ke pason.

Ezekiela 2:7

Ke u ma he ka ha kodra hok ta je hofuc, kʼ adre me ne he ka long, kʼ ame ne ba: anyin a ödra tavat ûkhiny fuc hmonyin.

Hosea 7:2

Ke adre me ca ûnykûme bi hnyi je hnyekudra, a inya oge me ûnykûme ta je hwakecidra hia ae kong: ke walang ang ame theling ödra hnen bi anyidra ta je huliwa; ke e bi hnyi hnyimakök.

Jona 3:2

Todrö me he Neneve ai, a taun ae gan, me khetâ ka hnyin, hnok hna hûna köu he ka khetâ.

Jona 3:3

Me haba Jona ame todrö me he Nineve ai helâ me hofuc ho Iehova. Ke haba Nineve me taun ae gan hmâ hmonyin, ke kun ta bong he ka he igigilo e

Jona 4:11

ke hawa, e ca ûcû könya he ka betenge ge Nineve taun ae gan, ke se hia aten bon khaca haded ke twente thauzan, tavat ae ca khanʼ ödra benyidra a metödra me me; ke ca ha bi omeno.

Mika 3:8

Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Nahuma 1:1

HOK honen Nineve. Tusiny hna omanenâ kö Nahuma at Elekosi.

Nahuma 3:19

E ba hnân okatebo hnâm hmouca; ke kong ut hnâm aat: ke haba tavat adre me long ge bongom, me adre me khöûkhöû hnyam gam; anyin â ie at ame ca hia but labö cap kâu ânyâm hulö?

Mataio 10:18

eke, adre me he ka lili öbun ka hnyi hnyimakan tavat musi me ta je than can inya, hnân ohnathoâ ködrin me Aten ta je hnyei.

Mataio 12:41

Ame he at Nineve ka tha tot me dö ang hnyi hna owisa, ke adre me he ka ha hnaûhangoâ e: anyin adre me ietra hnyi hna khetâ hnö Jona; ke wâ bi walang at ae beönua hu Jona.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Hna Omanenâ 18:5

anyin a o but hnyi drany anyin ta je hulo, ke Khong ame ûnykûme anyin ta je monu.