Jona 1:16 - Iaai Bible 1901 (New Caledonia)

¹⁶ Haba tavat ödrin e ot gan hmâ ga Iehova, me bi hut kö Iehova, me bi khöbi.

Jona 1:16 ပူးပေါင်းရင်းမြစ်များ

Genese 28:20

Ke Jekob ame hipʼ khöbi, me ha, ka habe, Ame ne he Khong ka tha e mönya, me tuö nya hnyi gethen ang oge me vheno, me haök, me ha khauk,

Genese 8:20

Ke Noa ame otilâ ke taben hnân bi hut kö Iehova; me hom ûnyi hnyi ta je meno hia a vak can ae bo so, me ta je meno hia ame gâ ae bo so, me hudo ta je hut adre le hon taben hut.

II. Je Than 5:17

Haba Naamana ame ha, ka habe, Hawa, a ne ca eling, ö u hnʼ ödrin he ka ham ka athnyabaem tang kânâ ame aijen li miul, anyin ame ca he hmetu athnyabaem ka hudo hudiny leû me ke hut bi ka ke je khong ke so bi kö Iehova thibi.

Jobu 37:24

Anyin a wale ame outen e ge tavat: Ke ame ca wâ hmâ tavat adre me hnyokâ wisa.

Salamo 107:22

Ke so adre me he ka hudo je hudiny ole, Me ha anyin ta je huliwa me khumöngö.

Salamo 116:14

Me hawâ iö Iehova. Oge me he ka thamuâ anyik ta je khöbi kö Iehova, Eke, hnyi hnyimakan lakeiny hia thithö.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

At Khet 5:4

U ka he ka bi khöbi ka Khong, ca bec bi he ka ohwâdâ; anyin a e ame ca senyin ka tavat ae monu: owhâdâ thö hnâm hna bi khöbi.

Isaia 26:9

Ame weny u ge hnyekuk hnyi hnyinghet; eke, oge me he ka elelöm u ge hanuk eû hnyi hnyekuk; ke wale but ang hnyi hmeledrany hnâm je hna owisa, waleling me me he tavat adre me laba hnyi hmeledrany ka nâ hwakecin ae wisa.

Jeremia 5:22

Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Jona 1:10

Me ame ot gan hmâ tavat me ha kâu, ka habe, Ieû ke ûnyi ang u je hia but ânyâ? anyin ae khana but tavat a e ame kec ge hnyimakö Iehova, anyin a e ame hia but thumetu ödrin.

Jona 1:14

Anyin a wale ödrin e tenge kö Iehova, me ha, ka habe, Iehova lö, ohmun e khöû köu, öhmun e khöû köu, ohmun na ca he ju ka mok can at ang, ke ca he bi ka ip huhmun dra ae ba hnyikongon: anyin a u Iehova u je hia but ânyâ helâ me wem.

Mareko 4:31

E ûcû me wan sinapi, ödra ka tā hnyi kânâ, wale thibi e wan ae ûhnyûkong hmelen ta je wan hia eang hmeledrany,

Ta je huliwa 5:11

Me ame o but ot ae gan hmâ ka ekalesia hia, mʼ ödra hia minya adre me long ûnyi e.

Owisa 13:16

Me angela anyi Iehova ame ha kö Manoa, ka habe, Eja ke ne u je ne thawo nya, me oge me ca he ka han ânyâm areto: ke u je ne be ka penapena hudiny leû, me u me he ka hudo e kö Iehova. Anyin ame ca wâ Manoa a e angela anyi Iehova.