Jona 1:12 - Iaai Bible 1901 (New Caledonia)

¹² Ke haingen kodra, ka habe, Hum nya thö, me khûö nya but hnyiköiöai; me me he ka ta but hau hnyi köiö köbun: anyin ae khanö nya ame o but weneû ang ae gan hnyi köiö köbuo, cak thibi.

Jona 1:12 ပူးပေါင်းရင်းမြစ်များ

II. Samuela 24:17

Me Davita ame wâ angela at ame kot tavat, me e ame ha kö Jehova, ka habe, Me wâ ju, e kong hwakecik, ke oge me hia but ânyâ hwali: ke ieû a ânyâ je mamoe ang? ö u hai hnyamâm könya ke ûcon lap anyi cica.

I. Man Ûlabainy Je Than. 21:17

Ke haba Davita ame ha ka Khong, ka habe. Hawa, ca ûnyi gak hnödra hna aû tavat? ke haba inya at ae monu ke at ânyâ hulo ae gan hmâ; ke ieû a ânyâ ta je mamoe ang? Iehova Khonguk lö, ö u ip hnyamâm huk me lap anyi cica, ke ca he ka ip hon lakem me hlingʼ ödrin.

Jobu 35:8

E khana ânyâm monu ka okongo tavat ae ûcû möu; Ke e khana ânyâm hwakecin ae wisa he ka osoâ tavat.

At Khet 9:18

E so metâ hon je omjehen vat; ke haba at hulo a khaca, me ame okongoâ so ae gan hmâ.

Jona 1:11

Me haingödrin kâu, ka habe, Ieû ohmun e he ka ânyâ köu me me ta but hau hon köiö kohmun? anyin ame hwege tot je waköiöiny köiö.

Jona 1:13

Ke so bi tavat ödrin e hwege galu, he ka he hmetu hot ai; ke ca khanʼ ödrin bi; anyin ame hwege tot köiö ködrin.

Ioane 11:50

ke öbun e ca ûnykûme, ka habe, e ûnyi hnathu köbun a ga mok bi at a khaca hnân hwaban tavat ae se hia, me me ca mok bi hnyei hia.

Ta je huliwa 27:24

ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu.

Josua 7:12

Anyin a wale e ca khana lakon Isaraela he ka tot hnyi hnyimakan je iwahnaihmiony mödrin, ödrin e wia je judrin ka je iwahnaihmiony mödrin, anyin a ödrin e hnaûhango but: ke oge me ca he hmetu ka tha e möbun, öbun e ne ca degec ûnyi adre hake ip unyibun.