Joela 3:5 - Iaai Bible 1901 (New Caledonia)

⁵ Anyin a öbun e hia but hom anyik sileva me anyik gol, me sukhö-unâ je omjehek ae hmanenang ka hnyi je uma umen Khongubun:

Joela 3:5 ပူးပေါင်းရင်းမြစ်များ

II. Je Than 12:18

Haba Joasa than Juda ame hom ta je ûnyi hia ae kap, wale a okabâ Jehosafata, me Jorama, me Ahazia, a lakamen, je than Juda, me anyin bi ta je ûnyi ae kap, me ta je gol hia adre me wâ hnyi hna ip omjeû hnyi uma umo Iehova, me uma umen than, me kunâ kö Hazaela than Suria: me e ame he but ûheny Jerusalema.

II. Je Than 16:8

Ke haba Ahaza ame hom sileva me gol adre me wâ hnyi uma umo Iehova, me hnyi hna ip omjeû hnyi uma umen than, me kunâ e hnân bwihlany ka than Asuria.

II. Je Than 24:13

Ke e ame hom but ûheny e ta je omjeûiny hia uma umo Iehova, me je omjeûiny uma umen than, me susubâ je kaia gol hia waleji a ânyâ Solomona than Isaraela hnyi uma umo Iehova, helâ me Iehova ame ha.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Jeremia 23:7

Anyin a wale, wâ bi, ame he ka o je bong, haingö Iehova ke adre me ca he hmetu bi ka ha, ka habe, Kia inya Iehova at ame hom lakon Isaraela ûnyi hnyi hnyei Aigupito;

Jeremia 50:28

Ifucin tavat adre me kec me tavat ae mot ûnyi hnyi hnyei Babulona, mʼ adre me haimemenâ hnyi Ziona hna bi hwaban hnö Iehova Khonguta, wale hwaban ge umen uma kap.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Ezekiela 37:12

Anyin a wale, perofeta thö me ha kodra, ka habe, Lakeik lö, wâ bi, oge me he bi nya ka khong ta je hubun, me höi öbun ûnyi hnyi je hubun, haingen Than Iehova; ke oge me he ka hum öbun ka hnyi hnyei Isaraela.

Daniela 11:38

Ke e ame he ka ogânâ khongon je hnabâ hnyi hnen e: ke e ame he ka ogânâ ke khong ae ca khana lakamen, ge gol me sileva, me je veto ae ûnyi hnathu, me je ûnyi ae senem.

Obadia 1:17

Kʼ ame he ka ku hon bucen Ziona tavat adre me kec mot, kʼ adre me he ka okabâ, kʼ ame he lap anyi Jekob ka hu je idra.