Joela 3:2 - Iaai Bible 1901 (New Caledonia)

² me oge me he bi ka ûkhacaköuâ je hnyei hia, me hum ödra ka hnyi hnyigöulen bucen anyi Jehosafata; ke oge me he ka ûhnei mʼ ödra eling can lakeik me jekhöûk a Isaraela, wale adre oveseâ ka hnyi je hnyei, me khenâ ik hnyei.

Joela 3:2 ပူးပေါင်းရင်းမြစ်များ

II. Man Ûlabainy Je Than. 20:26

Ke haba hnyi bong a vakiny ödrin e ûkhacaköu hnyi hnyigöulen bucen Beraka; anyin a ödrin e ole eling kö Iehova: anyin a wale adre me hwenyi ien dok eling Hnyigöulen bucen Beraka ke ne o but hnyi bong ang.

Isaia 66:16

Anyin ame he Iehova ka ivino me tavat hnen meic, me anyin hele vat: ke ame he ka se hia hani Iehova.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 25:31

Ame he ka o mede ke ne o but hnyi can hmeledrany: anyin ae hu ivino anyi Iehova me ta je hnyei, e ame he ka ûhnei me tavat hia: ke haba tavat ae kong, e ame he ka hnʼ ödra ka hnyi hele vat, haingö Iehova.

Jeremia 49:1

GE je laku Amona. Walang hna ha hnö Iehova, ka habe, Hawa, e ba laku Isaraela? ke ba at he ka hwöhwa-ban? ke anyin a ieû ame hwöhwabö Gada hnö Malekama, ke ta je aten adre me labā je tauniny?

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Ezekiela 25:8

Walang hna ha hnen Than Iehova, ka habe, Anyin a haingen Moaba me Seira, ka habe, Wâ bi, e tha ûcû lap anyi Isaraela me ta je hnyei hia thithö;

Ezekiela 34:6

Haba halek je mamoe adre me he monu hon je bucen me je hut hia ae gorany: eke, ame vese thö halek ta je mamoe hon hmeledrany hia thithö; ke ba at ame elâm me hnö.

Ezekiela 35:10

Anyin a u je ha, ka habe, Ame he ka ik bi li aten hnyei ang a lo me li hnyei ang a lo, ke ohmun e he ka labâ e; ke so bi waleji eling Iehova:

Ezekiela 36:1

KE haba u, nokon at lö, perofeta thö ka je buceniny Isaraela, me ha, ka habe, Je buceniny Isaraela lö, long ju hofuc ho Iehova.

Ezekiela 36:5

anyin a wale, walang hna ha hnen Than Iehova, ka habe, Haba hnyi meiciny anyik ciâ oge hia but ha ka je kolon je hnyei, me ka Edoma hia, waleji adre hom ik hnyei me me idra a hnyi senyin hnyok ae bekhot, me hnyi hûkhötiâ hnen oûnykûm, he ka hna degecâ e hnân söh:

Ezekiela 38:22

Ke oge me he bi nya ka ivino ûcon ge mok ae cap me dra, ke oge me he ka kunâ kâu, me ka anyin je deö vat, me je hnyei ae se hia unyin, we ae gan, me we wahma ae gan, me meic, me teio.

Ezekiela 39:11

Ke haba hnyi bong eling, oge me he ka hna kö Gog ke dok hnân khon komok hnyi Isaraela, wale hnyigöulen bucen anyin tavat adre me he hnyi ke keihen e deiö hnyi köiö: ke ame he ka hlöng gethen ka tavat adre me he: ke adre me he ka konim Gog me anyin je deö vat hia eling: ke adre me he ka hwenyi ien e Hnyigöulen bucen Hamona-gog.

Joela 3:12

E so ame mweimwei je hnyei, me o ka hnyi hnyigöulen bucen anyi Jehosafata: anyin oge me he ka laba eling he ka owisa je hnyei igigilo.

Joela 3:14

Ödra se, ödra se hia hnyi hnyigöulen bucen hna owisa! anyin ae hakekeny jut bong bongu Iehova hnyi hnyigöulen bucen hna owisa.

Amosa 1:11

Walang hna ha hnö Iehova, ka habe, Can kun ta monuiny Edoma, eke, can vak, me oge me ca he ka ohavâ hwaban e; anyin a e ame hnu liamekeiny më ge hele vat, me degec ibetengiö, ke ame labö kia but anyin hmonyin, ke e ame tuö anyin wathethot nyiele balua.

Mika 4:12

Ke ca khanʼ ödra je ûnykûmenö Iehova, kʼ adre me ca wâ ûnykûme anyin musi: anyin a e ame ûkhacaköu ödra helâ me je thi hwit ka hnyi hna huje hwit.

Zefania 3:8

Anyin a wale halubahing nya ju, haingö Iehova, ke ne o but bong oge me he ka höhöi ka hnyi hna söh: anyin a mou but hnyekuk he ka ûkhacaköuâ je hnyei, mʼ oge me he ka ûkhacaköuâ je dökhu, he ka hingâlâ hudrin anyik hmonyin, wale anyik wathethot ame ubâhlâ; anyin adre me he ka thong degecâ hnyei hia ge meicin anyik ciâ.

Hna Omanenâ 11:18

Ke ame hmonyin ta je hnyei ke ame o but ânyâm hmonyin, ke ûen he ka ûhnö tavat adre mokcu, me he ka ham hwaban ka lathnyabaem a ta je perofeta, me wakap, me tavat adre me okabâ iâm, tavat ae ûhnyûkong me tavat ae gan; me he ka ohnaûhangöi ödra adre me ohnaûhangoâ hmeledrany.

Hna Omanenâ 16:14

anyin a ödrin je hanu anyin je demoni, ödrin a ânyâ je haten; wale ödrin e he ka ta je than hia hyin hmeledrany he ka ûkhacaköu ödra ka hnyi vat hnyi bong ae gan bonginy Khong Ataekhanahia.

Hna Omanenâ 16:16

Ke ödrin e ûkhacaköu ödra hnyi dok adre hwenyi ien hwen Heberu, ka habe, Amagedo.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Hna Omanenâ 20:8

me ame he ka o but ka omonoâ ta je hnyei wale hnyi vak ta ke keihen hmeledrany, wale Gog me Magog, he ka ûkhacaköu ödra ka hnyi vat: ke helâ me önyin köiö ûseidra.