Joela 3:16 - Iaai Bible 1901 (New Caledonia)

¹⁶ Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Joela 3:16 ပူးပေါင်းရင်းမြစ်များ

Salamo 18:2

Iehova thibi kicik, me hnok hnabâ, me at ame omeli nya; Khonguk, kicik ae hmâ, oge me he ka labageju kâu; Becik, me faoiny meno hnân omeli nya, me anyik tap ae beû goranyai.

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Salamo 61:3

Anyin a u thibi hnok hna lubaduöng hnyin, Me hnabâ ae hwege hnyi hnyimakan iwahnaihmiöny.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 33:16

awe, e ame he ka laba hnyi dok ae gorany: ke hnen hna lubaduöng bi je kic a je hnabâ: adre me he ka hûn e; ame he ka tethmâ hna habelen e.

Isaia 33:21

Anyin ame he ka e bi eling: Iehova hnyi anyin hmanenang, wale dok ae hu je wagewe ae lau me je di; ke ame ca he hnyin je galu adre me galo, ke ame ca kec eling hu ae gan.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Isaia 51:16

Ke oge hia but ip hok ta je hofuc hnyi hnyimâm, me tubi u hnyi hmenon hnyamok, mʼ oge me he ka ohmâ drany me bi taben hmeledrany, me ha kö Ziona, ka habe, U ik hnyei.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 17:17

E so u me ca bi hnân ot könya; u thibi hnok hnabâ hnyi bonginy vec.

Ezekiela 38:19

Anyin a oge hia but ha hnyi hnok hna ciâ, ke hnyi meicin anyik hmönyin, ka habe, E hnathu hnyi ûen eling ame he ka hu hwiöi ae gan hnyi hnyei Isaraela;

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Nahuma 1:7

E so Iehova, e hnabâ hnyi bong vec; ke e ame wâhmakhmeto tavat adre me labageju kâu.

Hagai 2:6

Anyin a walang hna ha hnö Iehova tuhan sabaoth, ka habe, Okhaca biju, ke ca bec bi, me oge me he bi nya ka jijingâ drany ke hmeledrany, ke köiö ke kânâ;

Hagai 2:7

ke oge me he ka jijingâ ta je hneyi hia, ke ame he ka o ta je ûnyi wale ame weny ta je hnyei hia, ke oge me he ka öunöngötâ uma eang ge hmanenang, haingö Iehova tuhan sabaoth.

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

Zakaria 9:12

Hmetu ju ka hnyi hnabâ, öbun tavat adre ca a tavat gejon: inya oge me ha hnyi bong ang a oge me he, ka ibi olo ham köu.

Heberu 12:26

waleji at ame obwebwelâ hmeledrany ge ifucin ehac: ke e ame hia but ha bânâ walang ang, ka habe, Oge me he ka okhaca hmejijingâ, ca hake hmeledrany thibi, ke drany minya bi.

Hna Omanenâ 11:13

Ke hu hwiöi ae gan hnyi awa eling, me ame ū but ke keihen a libenyitainy taun; ke haba hwiöi, me ame hlingâ tavat a seven thauzan: me ame ot je kolon, mʼ adre me ogânâ Khongon drany.

Hna Omanenâ 11:19

Ke adre me khong uma kap umen Khong walethö hnyi drany; me ame manen dut hnyi umen uma tangen anyin ûhihinyköu; me ame o but je hucuce, me je ifucin, me je hendreng, me hwiöi, me we wahma ae gan.

Hna Omanenâ 16:18

me ame manen dutʼje hucuce, me je hofuc, me je hendreng; ke e hu hwiöi ae gan hmâ, e ba khaca a helâe hwân ehac ge ibi hu at hnyi hmeledrany, e ba hwiöi ae gan me hwege helâe.

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.