Joela 2:31 - Iaai Bible 1901 (New Caledonia)

³¹ Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 2:31 ပူးပေါင်းရင်းမြစ်များ

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Ezekiela 32:7

Ke haba hnyi ûen oge me he ka oumi u, me oge me he ka tube drany, me olidrâ je okhûiny; ke oge me he ka tube seûno ge ûlâ, ke ame ca he ka melam tehi.

Joela 2:1

TÛA thö trutru hnyi Ziona, me olungâ haten hnyi anyik bucen ae kap; öbu-buny ju öbun hia aten hnyei; anyin ame he jem bong bongu Iehova, ae hakekeny jut;

Joela 2:10

Ame öbubuny hmeledrany hnyi hnyimakodra; kʼ ame jijing drany; ame menekholom seûno me tehi, kʼ ame ca melam ta je okhû:

Joela 2:11

ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Joela 2:2

bonginy lit me menekholom, bonginy ûlâ me khömet, helâ me melaminy hnyomakatu ame ulolo hon je bucen; hnyei ae gan me hwege, e ba helâe ehac, ke ame ca he hmetu ka helâe, hnyi je hunainy je dö ae se hia.

Joela 3:1

ANYIN a wâ bi, haba hnyi je bong eling ke ûen eling, iny ka he ka hom hmetu je bâ wale a at Juda me Jerusalema,

Joela 3:15

A lit ut seûno me tehi, ke ame ca melam ta je okhû.

Zakaria 14:6

Ke haba hnyi bong eling, ame ca he ka tha e bi lany me melam me menekholom:

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mataio 27:45

Ke ame menekholom but hnyei hia, hwân hnyi awa a siks ke ne o but ka hnyi awa a nain.

Luka 21:25

Ke ame he ka hu ta je haten hnyi seûno me tehi me ta je okhû; ke hlöuhlöu hnyi hmeledrany minya, ke hlohlo hnyi ta je hnyei can imeainy köiö me ta je waköiöiny ame û:

Ta je huliwa 2:20

Adre me he ka bödra ka wia seûno me me lit bi, Me tehi me me dra, Me ame he ka o but bong bongon Than, Wale bong ae gan me lung:

Hna Omanenâ 8:12

Ke ame tûâ thö trutru hnen angela a vakiny, me adre me kot ke keihen a kuniny seûno, me ke keihen a kuniny tehi, me ke keihen a kuniny ta je okhû; waleling me me menekholom but je ke keihen a kuniny, ke ame ca melam hmetu ke keihen a kuniny bong, ke helâe minya ge lit.