Joela 2:3 - Iaai Bible 1901 (New Caledonia)

³ Ame han meic hnyi hnyimakodra, ke haba bâhlân ame hlâ hwabödra: haba hnyei hnyi hnyimakodra, me helâ me hnyei Edena, ke hnyebuba ae ba wan hnyi hwabödra; eke, ke ba at ame kec mot ge ioidra.

Joela 2:3 ပူးပေါင်းရင်းမြစ်များ

Genese 13:10

Haba Lota ame bwele me wâ dok ae thahon hia hnyi Joridano, a gʼ ame hu köiö hnyi je ke keihen hia, ke tiga ca ohia Sodoma me Gomora hnö Iehova, helâke hnyei i Iehova, helâke hnyei Aigupito, gethen Zoara ai.

Genese 2:8

Ke Iehova Khong ame belökâ ke hnyei hnyi ke keihen Edena e deiö; kʼ ame ip eling at waleji a hia but op.

Salamo 50:3

Ame he ka o but Khonguta, kʼ ame ca he ka laba hnyibû: Ame he meic ka han hnyi hnyimakan, Ame he ka igigilo e weneû ae gan hma.

Salamo 97:3

Ame he but meic hnyi hnyimakan, Me thong degecâ igigilo ta je iwahnaihmiony mē.

Esodo 10:15

Kʼ adre khavâ hon kânâ hia, kʼ ame lit ut hnyei; kʼ adre me an ta je khölakiny hnyei, me je wan ûö hia je kolon hwaban we ae wahma: ke ba hmetu lan hnyot, wale ûö me khölakiny kânâ, hnyi hnyei Aigupito hia.

Esodo 10:5

kʼ adre me he ka khavâ kânâ, me me ca khana at i he ka wâ kânâ: kʼ adre me he ka an je kolon biju ae möt, wale ta je kolon unyibun, hwaban we ae wahma, kʼ adre me he ka an ta je ûö hia ame kû hobi köbun hnyi hnyei:

Isaia 14:17

at ame wia hmeledrany me me helâ me hnyebuba, me hagutâ hnyikânâi je tauniny; at ame ca hna tavat hwenbâ ka hnyi ta je idra?

Isaia 15:6

Anyin ame he ka mada thö je aniny Nimera: anyin a meleca thö önying; e ba but hna önying ae mita, ke ba but hnyot ae hât.

Isaia 33:4

Adre me he ka hlo hnobun ta je hna söh helâ me hna hlo hnen ihmâ: helâ me hna gâ ge ta je wahamon, adre me he ka gâ kâu.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 9:18

Anyin a haba hwakecin ae kong ame han helâ me meic; ke ame an je iwadekong me watetaföcö: eke, e ame möt hnyi je nedronginy hnyot, ke adre me sâ khekhenyi goranyai hainy e.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Jeremia 5:17

Ke adre me he ka an hnâm hna meno, me âm jeû, wale ae ûcû he ka han hnen lakom obaga me wahlu: adre me he ka an halem je mamoe, me kau; adre me he ka an halem je vine, me halem je meta: adre me he ka kot ge hele vat ânyâm je taun adre up haginy, waleji u je labageju kâu.

Ezekiela 36:35

Ke adre me he ka ha, ka habe, Haba hnyei ang waleji ae ba wan, me ûcû bi me hnyei Edena; ke adre up haginy me labâ je taun waleji ae ba wan, me ba aten, me ve ta ûnyi.

Amosa 7:4

Walang hna omanenâ könya ge Than Iehova: ke wâ bi, Than Iehova ame hawâ meic hnân bi hwaban, ke e ame thong dok ae ti dit, ke ame bethong ut kânâ.

Habakuka 1:6

Anyin a wâ bi, oge me oâ at Kaledaia, hnyei ae hiny ame ie utut; tavat adre me vheno ûlauen hmeledrany, he ka hûgûnâ je dok hnân labâ, a ca idra bi.

Zakaria 7:14

ke oge me he ka ovesei ödra ge höu ka hnyi je hnyei hia waleji ae ca khanʼ ödra. Me ba wan hnyei hwabödra, ke ba at ame he ehele me hmetu: anyin adre me öba wan hnyei ae hmanenang.