Joela 2:27 - Iaai Bible 1901 (New Caledonia)

²⁷ Ke öbun e he ka wâ a inya hnyi wanben Isaraela, ke inya Iehova Khongubun, ke ba ju ke at: ke ame ca he balua bi lakeik ka hmehma.

Joela 2:27 ပူးပေါင်းရင်းမြစ်များ

Salamo 46:5

E but Khong hnyi wanben e; kʼ ame ca he ka bwebwet: Ame ie he Khong ka hadruâ e, wale hnyi okubelit.

Salamo 68:18

U je hia but ölö ka hnyi dok ae gorany, u je hia but hom bâ ânyâm je bâ; U je hia but hom je bwihlany hnyi wanben tavat. Eke, hnyi wanben tavat ûkhin fuc, me me he Iehova a Khong ka laba unyidra.

Ta je Vejec 1:23

Hwio thʼ öbun ge hnok hna ûne: Wâ bi, oge me he ka hingâlâ köbun hanuk, Oge me he ka omanenâ köbun hok ta je hofuc.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Isaia 45:5

Inya Iehova, ke ba ju ke at; ke ba ju ke Khong, ke hake inya ke: oge me he ka oweikâ hnyâm, ke ca khanö u bi nya:

Isaia 45:6

me me khanʼ ödra hwân hnyi hna o hnen seûno, me ûnyi jimeû, ae ba ju ke at, ke hake inya thibi: inya Iehova ke ba ju ke at.

Isaia 46:9

Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Ezekiela 37:6

Ke oge me he ka ip je toiny unyibun, me bi vibun, me lan öbun ge unen, me odilâ homenâ hnyi hnyibun, mʼ öbun e he bi ka möt; me öbun e he ka wâ a inya Iehova.

Ezekiela 39:22

Me ame he lap anyi Isaraela ka wâ a inya Khongudrin, hwân hnyi bong eling ke ne o but nyiele.

Ezekiela 39:28

Me adre me he ka wâ a inya Iehova Khongudrin, anyin oge me kunʼ ödra ka bâ hnyi je hnyei, ke oge hia but ûkhacaköu ödra ka hnyi idra bi; ke oge me ca he hmetu ka hna degecâ ke at gadra nyiele;

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.

Joela 2:26

Ke öbun e he ka han me sekubun, me ogânâ iö Iehova Khongubun, at ame hia but ânyâ ûnyi hnân lâiâ unyibun: ke ame ca he balua bi lakeik ka hmehma.

Joela 3:17

Me öbun e he ka wâ a inya Iehova Khongubun, at ame laba hnyi Ziona, anyik bucen ae kap: me ame he ka kap bi Jerusalema, ke ame ca he hmetu ta je atkanyua ka vheno e.

Joela 3:21

Ke oge me he ka haisoâ drödra waleji oge me tiga ca haisoâ: anyin a Iehova ame laba hnyi Ziona.

Zefania 3:11

Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Zakaria 2:9

Ke wâ bi oge me he ka nyinyikâ hnyamok hudra, me ame he ka sei ödra hnen tavat waleji adre me bi lathnyaba kodra; mʼ öbun e he ka wâ a ga, kunö nya Iehova tuhan sabaoth.

Numera 11:29

Ke Mose ame ha kâu, ka habe, U me vec gak? e na je perefota hia je lakei Iehova, me me he Iehova ka ip hanon hudrin!

Numera 23:21

E ame ca wâ hulö unyi Jekob, Kʼ ame ca wâ monu ga Isaraela: E unyin Iehova a Khongon, Ke e hnyi wanbödra ûhongötiny than.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

I. Peteru 2:6

Anyin adre me ha hnyi hna sihnalimen, ka habe, Wâ bi, inya oge me ip hnyi Ziona veto hnân kopiny adre ûca, ke gan hmâ hwaban: Ke ame ca he ka hmehma at ame labageju kâu.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin: