Joela 2:23 - Iaai Bible 1901 (New Caledonia)

²³ Ke senyin dö, öbun je lakon Ziona me hobâ ga Iehova Khongubun; anyin a e ame ham köbun we a bân ae ûcû, ke e ame kunâ köbun we, wale we a bân me we a biliny, hnyi tehi a bân.

Joela 2:23 ပူးပေါင်းရင်းမြစ်များ

I. Je Than 8:36

awe, u na long ju hnyi drany, me hna monu anyin lathnyabaem, me lakem a Isaraela, u ka he ka nʼ ödrin ge gethen ae so he ka vheno gadrin; me ham we ka hnyi hon em hnyei, waleji u je ham ka lakem me me idrin.

Jobu 33:23

Ame ne tha he mē ke angela, At omanenâ bongon, a e beönua hon tavat a wan thauzan, He ka omanenâ ka at hanymen ae wisa;

Jobu 37:13

Ame ne hnân ûnö, ame ne hobi kâu iny hnyei, Ame ne betenge, me e ame oâ e.

Salamo 104:34

E so ame hnebwia mekhunen hnyekuk kâu: Oge me he ka senyin kö Iehova.

Salamo 147:8

At ame tube drany ge ta je ûlâ, Me penapena we hobi kâu hmeledrany, Me okûâ önying hon ta je bucen.

Salamo 149:2

E so e he Isaraela ka senyin ka at a op e: E so e hobâ je laku Ziona ka Tuhödra.

Salamo 28:7

Iehova tang hwegiök me becik; Haba hnyekuk ame labageju kâu, kʼ ame hadruo nya: Anyin a wale ame ti senyin hnyekuk; Ke oge me he ka ogânâ e ge anyik: khumöng.

Salamo 32:11

Hobâ thö kö Iehova, me senyin dö, öbun tavat ae wisa: Ke hongot senyin dö, öbun tavat hnyok wisa.

Salamo 84:6

Ame he hnyi wanben thopiny Tenge, adre me ânyâ e me hnân je hna pupuainy köiö; Eke, haba we a bân ame tube e ge je hnahic.

Ta je Vejec 16:15

E bi möt hnyi melaminy hnyimakan than; Ke haba anyin betenge me helâ me ûlâiny we a biliny.

Isaia 30:21

ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.

Isaia 30:23

Me e ame he ka ham we hobi kâu hatungâm ta je hatong, wale u me he ka tā hnyi kânâ; me jeû minya a troban kânâ, kʼ ame he ka pipikhenya me se hia: ke hnyi bong eling ame he halem ta je meno ka han tot hnyi je hnyei ae gan.

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 5:24

Ke adre me ca ha eû hnyi je hnyekudra, ka habe, Ate me he walang ang ka outö Iehova Khonguta, at ame ham we, wale a bân, me beliny hnyi ûen e; at ame tuö hobi köta je wikiny menu adre thu.

Je tenge anyi Jeremi 4:2

Je lakon Ziona ae ûnyi hnathu, ödra tha ûcû me gol ae so, Nakainy hna oûcû ödra me ta je kaia kânâ, huliwa anyin at ame up kaia.

Ezekiela 34:26

Ke oge me he ka wiʼ ödra ke ta je dok igigili ödra, me me anyik hut ae hnahic; ke oge me he ka öta we hnyi ûen; kʼ ame he ka ta hnahic helâ me we.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Levitiko 26:4

awe, oge me he bi nya ka ham köbun we hnyi ûen e, kʼ ame he kânâ ka okûâ jeûiny, ke ame he je ûöiny ka wa.

Amosa 4:7

Me oge hia but behânâ we köbun, ke adre me he bi ka menu hwaban kun ta tehi: ke oge me ota we hnyi ke taun, kʼ oge me ca ota hnyi ke taun: kʼ ame ta we ka hnyi hon ke ong dok, ke haba dok ame ca ta we ka hnyin me ame melecâ thö.

Zakaria 10:1

SUMATÖ Iehova thö ge we hnyi ûen we a biliny, Iehova at ame mâdrâ je hucuce; me e ame he ka ham we ae gan kodra me me ve hu gadra önyinginy hnyei.

Zakaria 10:7

Ke ame he at Eferaima ka helâ me at ae hwege, ke ame he je hnyekudra ka senyin helâ me tavat adre ic waina: eke, ame he je lakudra ka wâ me senyin; ame he je hnyekudra ka hobâ kö Iehova.

Zakaria 9:13

Anyin oge hia but lau Juda hobi könya, me ip Eferaima hon cafana; ke oge me he ka obwebwelâ le lakom, Ziona, lö, ûcon je lakon Heleni, me oge me he ka wiö u helâ me hele vat anyin at ae hwege.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Ta je huliwa 14:17

Ke e bala bi anyin hna ohnatho, anyin a e ame mâdrâ so, wale ame ham köbun we ûnyi hnyi drany, me je ûen ae widrany, me osekunâ je hnyekubun ge jeû me senyin.

Deuteronomi 11:14

me oge me he ka ham we hobi kâu ibun hnyei hnyi ûen e, wale we a bân, me we a biliny, me u me he ka ip ânyâm je hwit, me ânyâm waina, me ânyam wakaco.

Deuteronomi 28:12

Ke ame he Iehova ka khong köu tang omjehen ae so, wale drany he ka ota we hnyi ûen bi hnyi kânâm kânâ, ae ohnahicâ huliwa hia anyin li hnyamâm: ke u me he ka me ham omjeû ka ta je hnyei ae se, kʼ u me ca he bi ka me sumâtâ.

Deuteronomi 32:2

Ame he ka khula bongon ûûneik helâ me we, Ame he ka ta ifucik helâ me hau; Helâ me we ae menyik hon je bö ae mita, Ke helâ me khukhula hon sa khölak:

Filipi 3:1

HNYAT me lakeiny lö, walang obiny, ka habe, senyin dö hnyi Than. E ca gan huliwa könya he ka sihnalimen köbun ta je ûnyi a khaca bongon, ke so bi hnân otethmʼ öbun.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Filipi 4:4

Senyin bala thö ka Than: ke inya hmetu oge me ba, ka habe, Senyin dö.