Joela 2:21 - Iaai Bible 1901 (New Caledonia)

²¹ Hnyei lö, ca ot bi, senyin do me hobâ; anyin a hia but Iehova ânyâ ta je ûnyi ae gan.

Joela 2:21 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Salamo 71:19

Khong lö, e ti beönua hwakecâm ae wisa; U at ame hia but ânyâ ta je ûnyi ae gan hmâ, Khong lö, ie at ae ûcû möu?

Salamo 98:8

E so ame he je wadutö ka khöûkhöû hnyam; Me ta je ong bucen he ka khumöng senyin.

Isaia 35:1

AME he hnyebuba me dok ae atgec ka senyin; kʼ ame he hnyot ka hobâ me vhong helâ me obedila.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 54:4

Ca ot bi; anyin a u me ca he ka hmehma: ke ca hlohlo bi; anyin adre me ca he ka ohmehmai u: anyin a u me he ka hnying hmehma waleji u ka tiga ûhnyûkong, ke u me ca he bi ka ûnykûme hna ohmehmai u waleji u tiga safac.

Isaia 55:12

Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Hosea 2:21

Haingö Iehova, ka habe, Hnyi bong eling oge me he ka thu hmetu, oge me he ka thu hmetu ka je drany, ke drany ame he ka thu hmetu ka hnyi hmeledrany;

Joela 2:20

ke oge me he ka öûsâkâûöâ mʼ öbun utbavat ûnyi hnyi hwadro, me obâ e ka hnyi hnyei ae hwahwacit me ba wan, haba hnyimakan e ka hnyi köiö e deiö, me hoton ka hnyi köiö e jio; ke ame he ka o anyin bokong, j ke ame he ka o bunen anyin bobot, anyin a e ame hia but ânyâ ta je ûnyi ae gan.

Joela 2:26

Ke öbun e he ka han me sekubun, me ogânâ iö Iehova Khongubun, at ame hia but ânyâ ûnyi hnân lâiâ unyibun: ke ame ca he balua bi lakeik ka hmehma.

Zakaria 8:15

helâe oge me ûnykûme hmetu hnyi bong ang he ka ânyâ so ka Jerusalema, me ka lap anyi Juda: ca ot bi.

Deuteronomi 4:32

Ke he thö u ka elâm je bong ehac, ke tiga hiö u, hwân hnyi bong waleji Khong ame op at eang hmelen hnyin, ke hwân hnyi ke keihen drany ke ne o but ka hnyi ke keihen, hawa e hu ûnyi ae gan helâng, kʼ adre me ne löng helâ me ûnyi aug!

I. Samuela 12:16

Ke tot ju öbun walang ang me wâ ûnyi ang ae gan ame he ka ânyâ Iehova hnyi hnyimaköbun.

I. Samuela 12:24

Ke hamöbun bi he ka outö Iehova, me bi athnyabainy hnyi hnathu me hnyekubun ae bekhöt: ke me ûnykûme thʼ öbun ta je ûnyi ae gan e ame hia but ânyâ hobi köbun.