Joela 2:2 - Iaai Bible 1901 (New Caledonia)

² bonginy lit me menekholom, bonginy ûlâ me khömet, helâ me melaminy hnyomakatu ame ulolo hon je bucen; hnyei ae gan me hwege, e ba helâe ehac, ke ame ca he hmetu ka helâe, hnyi je hunainy je dö ae se hia.

Joela 2:2 ပူးပေါင်းရင်းမြစ်များ

Salamo 10:6

Haingen eû hnyi hnyekon, ka habe, Oge me ca he ka bwebwet: Hnyi je dö hia oge me ca he balua ka vec.

Salamo 97:2

E igigilo e je ûlâ me menekholom: Haba taben anyin theron, me, hwakecin ae wisa me hna owisa.

Esodo 10:14

Kʼ ame ölö je wahamon ka hnyi Aigupito hia, me tabâ je hnyigöulen hnyei Aigupito hia; e ti se hia hmönyin; e ba wahamon helâe ehac, kʼ ame ca he hmetu ka helâe.

Esodo 10:6

kʼ ame be ka öûnöngötâ umâm je uma, me je uma umen lathnyabaem, me; je uma umen at Aigupito hia; ke ame ca wâ helâe hnen je lakâmâm me je lakibâm, hwân hnyi bong adre me laba eang hmelen; ke ne o but hnyi bong ang. Ke ame hwiö me he ûheny unyi Farao.

Esodo 20:21

Ke ame tot sâkâû tavat, ke Mose ame hakekenyâ menekholom ae khöt wale ame laba hnyin Khong.

Isaia 5:30

Hnyi bong eling adre me he ka kuku gadra helâ me imeainy köiö: ke ödra ka wâ hnyei, wâ bi, e menekholom me hmak, me khömet ge je ûlâiny.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 13:6

Ke hwaban je bong ae se hia, haba Iehova ame ha könya, ka habe, Todrö, he thö Euferate ai, me hom ûheny e wen waleji oge hûna köu he ka ikhâlâ eling.

Je tenge anyi Jeremi 1:12

Hawa, e ûnyi baû köbun tavat hia adre me vheno gethen? Bwele thö, me wâ, ame ne hu hlöuhlöu helâ me anyik hlöuhlöu, wale adre ânyâ könya. Waleji hnö Iehova hna oveci nya hnyi bonginy anyin hmonyin ae hwege.

Ezekiela 32:7

Ke haba hnyi ûen oge me he ka oumi u, me oge me he ka tube drany, me olidrâ je okhûiny; ke oge me he ka tube seûno ge ûlâ, ke ame ca he ka melam tehi.

Ezekiela 34:12

Haba at tuö mamoe ame elam hnahat haleny hnyi ûen e ame tha e me hnahat haleny mamoe adre vese, helâe oge me he ka elâm halek hnahat mamoe, ke oge me he ka hum ödra ûnyi hnyi je dok hia waleji adre vese ka hnyin, hnyi bong ae khömet me menekholom.

Ezekiela 38:9

Ke u me he ka ölö me o helâ me weneû, u me he ka helâ me ûlâ ame tube hnyei, u, me ânyâm je deö vat hia, me je hnyei ae se hia tha ödra möu.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Daniela 9:12

Me e ame hia but ohwâdâ hwan hofuc, waleji e ame haiʼ öhmun, ke tavat owisa kohmun, me e ame oâ kohmun ûnyi ae kong hmonyin: anyin adre me ca ânyâ eang hmeledrany hia helâ me hna ânyâ ka Jerusalema.

Joela 1:6

Anyin ame o but ke hnyei ka hnyi ik hnyei, a tavat hwege, ke ca hnân aû; haba je nyudra, me helâ me nyon liona, ke haba je ohûlûsinaidra, me helâ me ohûlûsinainy liona.

Joela 2:25

Ke oge me he ka bi hwaban köbun je huna, waleji a an hnen wahamon veto, me oböu me wale wi, me nokon wahamon, wale anyik utbavat ae gan oge kunâ köbun.

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 2:5

Helâ me hwan je kariota hnyi ban je bucen hwan gâ a ödra, ke helâ me hwan bâhlân meic ame thong thatûnyin hwit, helâ me tavat ae hwege adre me tot metâ he ka vat.

Joela 3:4

Eke, Turo me Sidona lö, me je ke keihen hia Filisiti, ieû gabun könya? hawa, Öbun e he ka ham könya hwaban? ke öbun e ne bi hwaban könya, me oge me he bi nya ka ie ohmeto hwaban eling ka hnyi hon je böbun.

Amosa 4:13

Anyin a wâ bi, haba at ame op je bucen, me mâdrâ ang, me omanenâ ka at ûnykûmenen, at ame wia hnyomakatu me me lit, me vheno je dok ae gorany hnyi hmeledrany; haba ien e, me Iehova Khongon sabaoth.

Zefania 1:7

Laba hnyibû ju hnyi hnyimakan Than Iehova: anyin ae hakekeny jut bong bongi Iehova: anyin a hia but Iehova penapena hut, me okabâ hnen je hna hawâ.

Zakaria 14:6

Ke haba hnyi bong eling, ame ca he ka tha e bi lany me melam me menekholom:

Mataio 24:21

anyin ame he ka o vec ae gan hmâ e ba helâe ehac hnyi hwân hmeledrany ke ne o but walang ang, kʼ ame ca he bi ka helâe hmetu.

Mareko 13:19

Anyin ame he ka hu vec hnyi je bong eling, ae ba helâe hnyi hwân hna op ta je ûnyi hia, waleji a op hnen Khong ke ne o but walang ang, ke ba minya ame he ka helâe.

Deuteronomi 32:7

Ûnykûme ju je bong ehac, Wâhmakhmeto je hunainy ta je dö ae se: Hnö thö kâmâm, me e ame he ka thumetu u; Wahingatâm minya, ke ödrin e he ka ha köu.

Heberu 12:18

Anyin a öbun e ca o but ka hnyi bucen ae ûcû he ka kâlâ waleji ame hiâ ge meic ke ne o but ame hlit, me menekholom, me weneû,

Juda 1:13

ödra je waköiöiny köiö ame khutu, a hûlûlû hangöc dö je ûnyi hnân ohmehmʼ ödra; ödra ta je okhû adre me he monu, ke adre hia but ip hobi ködra bi litiny menekholom ame ca ba balua.

Hna Omanenâ 9:2

me ame o thö hai ûnyi hnyi hmonop, helâ me hainy meic ae gan hmâ; me ame hlit ut seûno me ethö hnyi wanben ge hainy hmonop.