Joela 2:19 - Iaai Bible 1901 (New Caledonia)

¹⁹ Ke Iehova ame thu me ha ka lakeiny, ka habe, Wâ bi, oge me he ka kunâ köbun hwit, me waina, me wakaco, me me sekubun hnen je ûnyi e: ke oge me ca he hmetu ka hnʼ öbun me hnân haikongoâ hnen ta je hnyei:

Joela 2:19 ပူးပေါင်းရင်းမြစ်များ

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Ezekiela 34:29

Ke oge me he ka okûâ hobi kodra ke ûö ae lung, ke adre me ca he hmetu bi ka ohiʼ ödra ge hmiâ hnyi hnyei, ke ame ca he hmetu bi ta je hnyei ka ohmehmai ödra.

Ezekiela 36:15

ke oge me ca he hmetu ka ha gam hmehma anyin ta je hnyei, ke ame ca he hmetu je hnyei ka haikongu u, ke u me ca he hmetu ka othöâ em hnyei, haingen Than Iehova.

Ezekiela 36:29

Ke oge me he ka omeli öbun ûnyi hnyi hwakecibun ae ikiki hia: ke oge me he ka hawa hwit, me osehia e, ke oge me ca he ka kunâ köbun hmiâ.

Ezekiela 36:30

Ke oge me he ka osehia ta je wan ûö, me jeûiny kânâ, mʼ adre me ca he hmetu ka haikongu öbun can hmiâ unyin ta je hnyei.

Ezekiela 39:29

ke oge me ca he hmetu ka ikhâlâ hnyimakök gadra: anyin oge hia but hingâlâ hanuk hon lap anyi Isaraela, haingen Than Iehova.

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Hosea 2:21

Haingö Iehova, ka habe, Hnyi bong eling oge me he ka thu hmetu, oge me he ka thu hmetu ka je drany, ke drany ame he ka thu hmetu ka hnyi hmeledrany;

Hosea 2:22

ke ame he hmeledrany ka thu hmetu ka hwit, me waina me wakaco; ke ödrin e he ka thu kö Jezerela.

Joela 1:10

E ba but wan ta hnyei, ame tenge kânâ; anyin ae ba but hwit, a hme thö waina ae teb ûnyi, ke ba wakaco.

Joela 2:24

Ke ame he ka unöngöt je hna huje hwit ge hwit, me bahihingölö thö je tengen waina me wakaco.

Levitiko 26:5

Öbun e he ka uja hwit ke ne o but ûen he ka ip je wan vine, me ip wan anyibun vine ke ne o but ûen cekön: ke öbun e he ka han sekon me laba hnahic hnyi ibun hnyei.

Zakaria 8:12

Anyin ame he ka hu hatonginy ûsoköu; ame he vine ka wa, ke kânâ ame he ka oâ jeûiny, ke ame he drany ka ham dân hau; ke oge me he ka kunâ je kolon tavat ang ka hu ta je ûnyi hia eling.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Deuteronomi 11:14

me oge me he ka ham we hobi kâu ibun hnyei hnyi ûen e, wale we a bân, me we a biliny, me u me he ka ip ânyâm je hwit, me ânyâm waina, me ânyam wakaco.

Rutha 1:6

Me e ame todrö me laûngon, me hmetu ûheny hnyi hnyei Moaba: anyin a long ut hnyi hnyei Moaba a Iehova ame senâ lakeiny me me ha ödrin.