Joela 2:17 - Iaai Bible 1901 (New Caledonia)

¹⁷ E so ame he tavat bihut, a je athnyabai Iehova ka tenge hnyi wanben poretiko me taben hut, me ha, ka habe, Iehova lö, betenge ju ge lakem, ke ca he ka hna jekhom me hnân taben haikongoâ, me he ka musi ödra hnen ta je hnyei: anyin a ieû ame he ka ha hnen je hnyei, ka habe, Ewa Khongudrin?

Joela 2:17 ပူးပေါင်းရင်းမြစ်များ

I. Je Than 6:3

Ke haba poretiko cicö dok ae kap hnyi uma, twente kubit ibeûen hoton ûlauen uma; ke ten je kubit ûlauen hnyi hnyimakan uma.

I. Je Than 9:7

awe, oge me he ka subâ degeci Isaraela ûnyi hnyi hnyei wale oge ham ködrin; ke haba uma ang oge okabâ hobi kâu iök, me oge me he ka degec ûnyi hnyi hnyimakök; ke ame he Isaraela ka tot hnân hofuc vejec me hluma hnyi ta je hnyei hia:

II. Man Ûlabainy Je Than. 7:20

me oge me he bi nya ka oc degeci ödrin ûnyi hnyi ik hnyei wale oge ham ködrin; ke haba uma ang wale o ge hia but okabâ hobi kâu iök me oge me he ka degec ûnyi hnyi hnyimakök, me oge me he ka wia e hnân ûhöûcû me hluma hnyi ta je hnyei hia.

II. Man Ûlabainy Je Than. 8:12

Ke haba Solomona ame hudo je hut kö Iehova hon taben hut anyi Iehova, wale e ame ânyâ cicö poretiko,

Nehemia 9:36

Wâ ju, ohmun ang lathnyabaem hnyi bong ang, ke haba hnyei waleji u je ham ka lakamöhmun he ka an wan, me soiny, wâ bi, ohmun ang a lathnyaba hnyin.

Salamo 115:2

Hnân eû ame he ka ha ke je hnyei, ka habe, Ewa walang ang Khongudrin?

Salamo 42:10

Je iwahnaihmiony mönya adre me hiö nya, helâke e hu hele vat eû hnyi je jeieök; Me labö ha könya hnyi je bong, ka habe, Ewa Khongom?

Salamo 42:11

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu bi, Wale melen linyimakök, me Khonguk.

Salamo 42:3

Haba hing ök jeû hnyi lany me lit me deköien li emakök, Waleji adre me labö ha könya hnyi je bong, ka habe, Ewa Khongom?

Salamo 42:4

Oge me ûnykûme ta je ûnyi eling, me hingâlâ hanuk eû hnyi hnyekuk, Waleji ge hnok hna tha he me bunyen, me hum ödra ka hnyi uma umen Khong, Tha ohmun me hwan senyin me oganâ, at se hia adre me tuö bong ae kap.

Salamo 74:10

Khong lö, ke ne o but kehö ame he je iwahnaihmiöny ka ûhaikonguny? Hawa, ame he bala bi iwahnaihmiöny ka hmi ödra iâm?

Salamo 79:10

Hnân eû ame he ta je hnyei ka ha, ka habe, Ewa Khongudrin? E so e ka manen dut hnyi ta je hnyei hnyi hnyimaköhmun. Hna bi hwaban dra dren lathnyabaem adre hingâlâ.

Salamo 79:4

Adre haikongu ohmun tavat adre me laba kakekenyi ohmun, Adre me ûtuböny me hluma hnen tavat adre me laba igigili ohmun.

Salamo 89:41

Adre me söh e hnen tavat hia adre me vheno gethen: Adre me hiâ e hnen tavat adre me laba hakekenyâ e.

Salamo 89:51

Iehova lö, ânyâm ta je iwahnaihmiony adre me ûhiö, Waleji hnyi hnödra hna ûhiö ta je hna okca anyin at u je hû.

Esodo 34:9

Ke haingen, ka habe, Than lö u je ne betenge gak, ö u he Than ka tha he möhmun; anyin ae hwege nyin hnyei ang; ke u ma thang degecâ anyihmun monu me hulö, me wiʼ ohmun do mʼ ohmun e em hnyei

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 37:20

Iehova lö, Khonguhmun, walang ang ö u omeli öhmun dö ûnyi gan, me me khana hnen je dokhu hia eang hmeledrany a u thibi Iehova, a hake u ke.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Ezekiela 8:16

Me e ame hum nya ka hnyi hnyeuleny uma umö Iehova eiö hnyin, ke wâ bi, hnyi hwanumen uma umö Iehova, wanben poretiko me taben hut, helâke me twente faiv tavat adre me hotudra ka hnyi uma umö Iehova, me hnyimakodra deiö; ke adre me khudrung deiö ka seûno.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Joela 1:13

Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Joela 1:9

Adre me subâ degecâ hudiny ban me hudiny ic ûnyi hnyi uma umo Iehova; kʼ ame tenge tavat bihut a lathnyabai Iehova.

Amosa 7:2

Ke hnyi ûen adre hia but an hia önyi-nginy hnyei, me oge me ha, ka habe, Than Iehova lö, ö u thang degecâ hulo: ama kâmâu Jekob he ka tot? anyin a e ûhnyûkong.

Amosa 7:5

Me o ge me ha, ka habe, Than Iehova lö, ö e soju: ama kâmâû Jekob he ka tot? anyin a e ûhnyûkong.

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Malaki 1:9

Ke walang, öbun na he ka sumâtâ thö Khong, me me he ka betenge gata: ke deny öbun ûnyi ang; hawa, e ame ca he ka kop öbun? haingö Iehova tuhan sabaoth.

Numera 25:6

Ke wa bi, haba ke at Isaraela ame hom ke momo Midiana ka je liamekeiny mē, hnyi hnyimakö Mose, me hnyi hnyimakan ûkhacaköu anyin lakon Isaraela hia, ödra adre me tenge hnyi hwanumen uma ûkhacaköu.

Mataio 23:35

me ame he ka o but köbun dra ae wisa hia adre hingâlâ eang hmeledrany, hwân ge dra drö Abela at ae wisa, ke ne o but ka dra dro Zakaria nöku Barakia, waleji öbun e hlingâ hnyi wanben uma kap me taben hut.

Mataio 27:43

E ame labageju ka Khong; e so e he ka omelö e walang ang, e ka weny e: anyin a e ame ha, ka habe, Inya ang Nokon Khong.

Deuteronomi 28:37

Ke u me he ka hnân lâiâ, me vejec, me hofuc hluhluma hnyi je hnyei hia ame he Iehova ka lili u ka hnyin.

Deuteronomi 32:27

Ke so bi oge me outen hmönyin anyin iwahnaihmiony, Wâ e nye ca wâhmakhmeto iwahnaihmiöny mödra, Wâ adre nye ha, ka habe, Adre hia but hai hnyamöhmun, Ke Iehova ame ca ânyâ ta je ûnyi hia ang.

Josua 7:9

Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?