Joela 2:13 - Iaai Bible 1901 (New Caledonia)

¹³ kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Joela 2:13 ပူးပေါင်းရင်းမြစ်များ

Genese 37:29

Ke Reubena ame hmetu ka hnyi hmonop, ke wâ bi, e hiö Josefa but eû hnyin hmonop; me e ame kia je ûkhaûen.

Genese 37:34

Ke Jekob ame kia anyin je ûkhaû, me khavâ mano ae gan nân me tenge can nokon, ae se hia je bong.

II. Samuela 1:11

Ke Davita ame kât anyin je ûkhaû, me kia, ke helâe minya tavat hia unyin:

I. Je Than 21:27

Ke a long ut Ahaba ta je hofuc eling, me e ame kia anyin ûkhaû, me khavâ ecmano ae gan nân, kʼ ame ca han, kʼame mokulec ec mano ae gan nân, me he menyöng.

II. Je Than 22:11

Ke a long ut than ta je hofuc hnyi tusiny hnanyibu, me e ame kia anyin je ûkhaû.

II. Je Than 22:19

anyin ae menyik hnyekom, ke u je ohnyikânâi u bi hnyi hnyimakö Iehova, hnyi ûen u me long hnok hna ha ge dok ang, me tavat adre me labâ e, mʼ ödrin e he ka ba at ke hnaûhango, ke u je kia ânyâm je ûkhaû, me tenge hnyi hnyimakök; awe, haingö Iehova, Oge hia but ling u.

II. Je Than 5:7

Ke a hia but than Isaraela aû tusi, me e ame kia anyin ûkhaû, me ha, ka habe, Hawa, iny Khong, he ka hlingâ me omelö, me me kunâ könya at ang he ka ohia lepera ge ke at? Ke wâhmakhmetoâ thö, me wâ, a e ame heleû can gak.

II. Je Than 6:30

Ke a long ut than hofuc hwan momo, me e ame kia anyin ûkhaû; (ke e ame ngenu hon hna up haginy;) ke haba tavat adre me wâ, ke wâ bi, e ame khavâ unyin ge ecmano ae gan nân.

II. Man Ûlabainy Je Than. 6:27

awe, ö u long ju hnyi drany, me hna hwakecin ae kong anyin lathnyabaem, me lakem a Isaraela, u ka nʼ ödrin ge gethen ae so ködrin he ka vheno; me kunâ but we ka hnyi em hnyei, wale u je ham ka lakem me me idrin.

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Jobu 1:20

Haba Jobu ame todrö me kia but anyin ûkhaû, me giâ ban, me ta ju hnyikânâi me khudrung;

Salamo 103:8

E unöngötö Iehova ge ibetengiö me betenge ae menyik, Ke bec he ka hmonyin, ke gan hmâ anyin betenge.

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Salamo 34:18

E hakekeny Iehova ka tavat ae hmak je hnyekudra, Kʼ ame omelo tavat ame vec hanudra.

Salamo 51:17

Haba ta je hut ka Khong me wale thibi hanu ae mita: Khong lö, u me ca he ka oûnyibaûâ hnyok adre omomono ae bewisa.

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 58:5

Hawa, oge me ûca ca han a helâe? ke hawa, bong ang me bonginy ovecâ hnyekon at? he ka nyingö ban helâ me saamun, ke bi hnen hna mokut mano ae gan nân me hnabadröu? hawa, u me he ka ha e me ûen ca han bi, ke bong ae so kö Iehova?

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Jeremia 36:7

Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Jeremia 41:5

me ame o but tavat a eite ûhedra Sekema me Silo me Samaria, adre giâ je waidra, me kia anyidra je ûkhaû, me ka kavi ödra bi, adre me hom je bwihlany me libanu ka hnyi uma umö Iehova.

Jeremia 42:10

Öbunʼ e ne he ka laba bala bi hnyi hnyei ang, oge me he ka up öbun goranyai, me ca hagutʼ öbun, ke oge me he ka konim öbun, me ca oc degeci öbun: anyin oge me ietra ge ûnyi ae kong oge hia but ânyâ köbun.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Jona 3:9

E khanö ia, ame ne he Khong ka hwio me ietra, me degec anyin hmonyin ae gan, mʼ ate me ca he ka mok?

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Nahuma 1:3

E bec Iehova he ka hmonyin, ke gan hmâ maniny man, ke e ame ca he ka hna bâûâ at ame ânyâ hulö: haba gethen de Iehova wale hnyi höu me weneû, ke haba je ûlâ, me wale sesâ hnyi li can.

Numera 14:18

At ae bec he ka hmönyin Iehova, ke gan hmâ anyin ibetengiö, kʼ ame degecâ hulö, me monu, kʼ ame ca he ka ha ae ba kongon at ae kong; ke e ame bi hwaban monu anyin je kamen ka je lakon, ke ne o but ka hnyi dö a kuniny me vakiny.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

I. Timoteo 4:8

anyin ae ûhnyûkong troban huliwa hnyi unyin; ke so bi, haba hwakecin helâ me Khong, me bu troban hnyi ta je ûnyi hia thithö, e hu hna ha bânâ hobi kâu möt walang ang, me möt minya bi nyiele.