Joela 2:12 - Iaai Bible 1901 (New Caledonia)

¹² Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Joela 2:12 ပူးပေါင်းရင်းမြစ်များ

II. Samuela 24:10

Me haba hnyeku Davita ame dâ e hwaban hnen hna aû tavat. Me haingö Davita kö Jehova, ka habe, Oge hia but ûnyâ monu ae gan hnyi ûnyi oge me ânyâ: ke walang ang, Than lö, oge me khöû köu he ka hna but hulö anyin athnyabaem; anyin oge me ânyâ monu.

II. Man Ûlabainy Je Than. 30:6

Me ame he but tavat, kʼ ödrin e ve hom je tusi ûnyi ge than me anyin je taben ka hnyi je ke keihen Isaraela hia me Juda, kʼ ödrin e ha hoton hnanyibu anyin than, ka habe, Öbun lakon Isaraela lö, hwio hmetu ju öbun kö Iehova, Khongu Aberahama, me Isaaka, me Isaraela, me e ame he bi ka; hmetu köbun je kolon tavat adre me kec möt ûnyi ge than Asuria.

II. Man Ûlabainy Je Than. 6:27

awe, ö u long ju hnyi drany, me hna hwakecin ae kong anyin lathnyabaem, me lakem a Isaraela, u ka nʼ ödrin ge gethen ae so ködrin he ka vheno; me kunâ but we ka hnyi em hnyei, wale u je ham ka lakem me me idrin.

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Esodo 33:5

Ke Iehova ame ha kö Mose, ka habe, Ha thö ka lakon Isaraela, ka habe, U hnyei ae hwege nyin: oge ne he hnyi wanbâm hnyi thuthubademak, me, oge me he ka ohiö u: anyin a wale u ma he walang ang ka uny jut je theibâm, me me khanö nya ûnyi oge me he ka ânyâ köu.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 58:4

Wâ bi, öbun e ânyâ ca han mʼ öbun e he ka iwatretra me ivino, me ûkhulup ge hnyam adre vhec a hulo: kʼ öbun e ca ânyâ ca han hnyi bong ang mʼ adre me long ethö ifucibun.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 36:7

Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Hosea 12:6

Anyin a wale hmetu ju ka Khongom: tuö ju ibetengiö me hna owisa, ke halubahingen bala Khongom.

Hosea 12:7

E at ame ûcû omjeû, e hnyi hnyamen tulut iyawo; e ame weny he ka seda.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Joela 1:13

Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Zakaria 7:3

me ha ka tavat bihut hnyi uma umo Iehova tuhan sabaoth, me ka je perofeta, ka habe, Hawa, e ûcû könya he ka tenge hnyi tehi a faiviny, me ûsâkâûö helâji me hnok hna ânyâ waleji hnyi je huna ae se hia?

Zakaria 7:5

Ha thö ka aten hia hnyei, me ka tavat bihut, ka habe, Haba hnyi je ûen öbun e ânyâ ca han me tenge thungaû hnyi tehi a faiviny me tehi a seveniny, hnyi je huna a sevente, hawa, öbun e ânyâ ca han könya?

Malaki 1:9

Ke walang, öbun na he ka sumâtâ thö Khong, me me he ka betenge gata: ke deny öbun ûnyi ang; hawa, e ame ca he ka kop öbun? haingö Iehova tuhan sabaoth.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Owisa 2:4

Ke angela anyi Iehova ame ha ta je hofuc eling, me haba tavat adre me tenge gan hmâ.

Owisa 20:26

Me ame he lakon Isaraela hia me tavat hia, me o hnyi Beth-ela, me tenge, me laba e hnyi hnyimakö Iehova, me ca han hnyi bong e ke ne o but sahac; me ödrin e hudo je hudiny leû, me je hudiny ûsoköu hnyi hnyimakö Iehova.

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.

I. Samuela 7:6

Me ödrin e ûkhacaköu hnyi Mizepa, me seköiö, me hingâlâ hnyi hnyimakö Iehova, me ca han hnyi bong eling, me ha eling, ka habe, Ohmun e hia but ânyâ hulö kö Iehova. Ke Samuela ame owisa ka lakon Isaraela hnyi Mizepa.