Joela 2:11 - Iaai Bible 1901 (New Caledonia)

¹¹ ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Joela 2:11 ပူးပေါင်းရင်းမြစ်များ

Salamo 18:14

Ke e ame fana anyin je fana me ovesei ödra; Eke, je hucuce ae se, me omomonu ödra.

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 68:18

U je hia but ölö ka hnyi dok ae gorany, u je hia but hom bâ ânyâm je bâ; U je hia but hom je bwihlany hnyi wanben tavat. Eke, hnyi wanben tavat ûkhin fuc, me me he Iehova a Khong ka laba unyidra.

Isaia 13:4

E hu hwan tavat ae se hia hnyi je bucen helâ me tavat ae se hia hmonyin! hwan medien je dökhuiny je hnyei adre me tha ûkhacaköu! Iehova tuhan sabaoth ame oc je utbavat he ka vat.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Isaia 7:18

Ke haba hnyi bong eling me ame he Iehova ka hûlûwhajû ka je nöng ûnyi hnyi obiny je wageweiny Aigupito, me ta je bi minya ûnyi hnyi hnyei Asuria.

Jeremia 25:30

Anyin a wale, u me he ka perofeta kodra ta je hofuc ang hia me ha kodra, ka habe, Ame he Iehova ka kuku ethö, me fuc goranyai ûnyi hnyi hnyaban ae kap; e ame he ka kuku ûcon haleny haginy hnahat; e ame he ka kuku ûcon aten hmeledrany hia helâ me tavat adre me ututo wan vine.

Jeremia 30:7

Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

Jeremia 50:34

E hwege at ame ûcû melidra; Iehova tuhan sabaoth ien: e ame he ka ti ivino hobi ködra, me me he ka omenâ hmeledrany, me oöbubunyâ tavat adre me laba hnyi Babulona.

Ezekiela 22:14

Hawa, u me he ka hok hnyokâ, kʼ ame he bi li hnyamâm ka hwege hnyi bong oge me he ka mâdrö u hnyin? Inya Iehova at ame ha, me oge me he ka ânyâ.

Joela 1:15

Ekölö ge bong! anyin ame he jem bong bongi Iehova, ke e ame he ka o helâ me hnaûhango ûnyi ge Ataekhanahia.

Joela 1:6

Anyin ame o but ke hnyei ka hnyi ik hnyei, a tavat hwege, ke ca hnân aû; haba je nyudra, me helâ me nyon liona, ke haba je ohûlûsinaidra, me helâ me ohûlûsinainy liona.

Joela 2:1

TÛA thö trutru hnyi Ziona, me olungâ haten hnyi anyik bucen ae kap; öbu-buny ju öbun hia aten hnyei; anyin ame he jem bong bongu Iehova, ae hakekeny jut;

Joela 2:2

bonginy lit me menekholom, bonginy ûlâ me khömet, helâ me melaminy hnyomakatu ame ulolo hon je bucen; hnyei ae gan me hwege, e ba helâe ehac, ke ame ca he hmetu ka helâe, hnyi je hunainy je dö ae se hia.

Joela 2:25

Ke oge me he ka bi hwaban köbun je huna, waleji a an hnen wahamon veto, me oböu me wale wi, me nokon wahamon, wale anyik utbavat ae gan oge kunâ köbun.

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 3:14

Ödra se, ödra se hia hnyi hnyigöulen bucen hna owisa! anyin ae hakekeny jut bong bongu Iehova hnyi hnyigöulen bucen hna owisa.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 5:18

Ekölö gabun tavat öbun e weny bong bongu Iehova! hnân eû bong bongu Iehova köbun? e menekholom bi, ke ca melam bi.

Amosa 5:20

Hawa, ame ca he ka menekholom bong bongu Iehova, ka ba melam? ke hlit hmonyin, ke ba lany hnyin e?

Obadia 1:15

Anyin ae hakekeny jut bong bongu Iehova hnyi ta je hnyei hia: me ame he ka ânyâ bi köu, helâji me hnâm hna ânyâ; kʼ ame he ka hmetu bi ka hnyi hon bâm ânyâm huliwa.

Nahuma 1:6

Ie at ame he ka tot hnyi hnyimakan anyin hmonyin? ke ie at ame he ka tot e ka ubâhlâ anyin wathethot? ame hingâlâ anyin hmonyin helâ me meic, ke e ame thö je kic.

Malaki 3:2

Ke ie at ame he ka hokhnyokâ bonginy o a e? ke ie at ame he ka tot, e ka manen dut? anyin a e ûcû me meic hlogon at ame leû fao, me helâ me sop anyin at ame hnû khaû:

Numera 24:23

Ke e ame ha anyin ûhöûcû, ka habe, Ekölö, ie at ame he ka möt e ka ânyâ e hnen Khong?

I. Thesalonika 4:16

Anyin ame he ka utut Than ûheny hnyi drany, me hwakuku, me ifucin angela ae beönua, me hwan trutru anyin Khong: ke ame he ka bân tavat adre mok unyin Keriso ka höhöi:

Hna Omanenâ 18:8

Anyin a wale ame he ka o kâu anyin je mok hnyi bong a khaca, wale mok, me hlöuhlöu, me hmiâ; ke adre me he ka thong degecâ e hnen meic; anyin ae hwege Than a Khong at ame bi hwaban kâu.

Hna Omanenâ 6:17

anyin a o but bongudra bong ae gan hmâ hmonyin hnyin; ke ie at ae khana he ka tot.