Joela 2:1 - Iaai Bible 1901 (New Caledonia)

¹ TÛA thö trutru hnyi Ziona, me olungâ haten hnyi anyik bucen ae kap; öbu-buny ju öbun hia aten hnyei; anyin ame he jem bong bongu Iehova, ae hakekeny jut;

Joela 2:1 ပူးပေါင်းရင်းမြစ်များ

I. Man Ûlabainy Je Than. 15:28

Ke haba at Isaraela hia ödrin e hom tangen ûhihinyköu anyi Iehova, me kuku tot, me tûö sofara, me je trutru, me simebalo, ödrin e ofucâ ta je nabeli me kitara.

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 87:1

ETHÖ hnyi je bucen ae kap taben.

Esodo 10:14

Kʼ ame ölö je wahamon ka hnyi Aigupito hia, me tabâ je hnyigöulen hnyei Aigupito hia; e ti se hia hmönyin; e ba wahamon helâe ehac, kʼ ame ca he hmetu ka helâe.

Isaia 13:6

Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

Isaia 13:9

Wâ bi, e but ang bong bongu Iehova, a hlâ thö ge wathethot me hmonyin ae kahwa; he ka oba aten hnyei, me ohia tavat ae kong hnyin e.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Jeremia 16:10

Ke hnyi ûen u me he ka haimemenâ ta je hofuc hia ang ka tavat ang, me adre me he ka ha köu, ka habe, Anyin a ieû Iehova ame ha gahmun ta je ûnyi ae kong hia thithö ae gan hmâ? ke ieû hwakecihmun ae kong? ke ieû hnöh-mun hna ânyâ kö Iehova Khonguhmun?

Jeremia 16:7

ke ame ca he tavat ka tha subö areto hnyi tenge gadra wale hnân otubweli ödra ge je komok; kʼ ame ca he tavat ka ham kodra kaia ka habelidra hnân otubwelâ ge kamödra me hinyödra a mokcu.

Jeremia 4:5

Khetâ thö hnyi Juda, ke haimemenâ thö hnyi Jerusalema me ha, ka habe, Ûkhacaköu thö, ate me he ka didro ka hnyi je taun adre up haginy.

Jeremia 5:22

Hawa, öbun e ca outö nya? haingö Iehova: ke öbun e ca be ka öbubuny gak, at ame ip öny hnân hnyigöulen köiö, hoton hnanyibu ae tethmâ, mʼ adre me ca he bi ka hanyâûâ e.

Ezekiela 12:23

Anyin a wale, ha thö kodra, ka habe, Walang hna ha hnen Than Iehova, ka habe, Oge me he ka bi obiny vejec eling, kʼ adre me ca he hmetu ka vejecâ e hnyi Isaraela; ke ha thö kodra, ka habe, E hakekeny jut je bong, ke ihwâdâiny ta je hna omanenâ hia.

Ezekiela 21:12

Nokon at lö, kuku thö, ke kuku tenge thö: anyin a e bi hon lakeik, e bi hon je taben Isaraela: adre hnʼ ödra ka hnyi hele vat tha ödra me lakeik: anyin a wale khaû thö jevam.

Ezekiela 30:3

Anyin ae hakekeny jut bong, e hakekeny jut bong bongu Iehova, bong ae khömet; a ûen hobi kâu ta je hnyei.

Ezekiela 33:3

ke e ka wâ hele vat ame o ka hnyi hnyei, me e ame tûâ trutru me koû ka tavat;

Ezekiela 33:6

Ke ame ne wâ hele vat hnen at hmâkâ, kʼ ame ca tûâ trutru, me ba haten ka tavat, me ame o but hele vat me hlingâ ke at unyidra; me ame mekiny hwakecin ae kong, me oge me he ka elâm dren bi unyin at hmâkâ.

Ezekiela 7:10

Wâ bi bong, wâ bi e ame o thö: a o thö hnâm hna saû, kʼ ame vhong uci, e hlau but bi gan.

Ezekiela 7:12

Ame o but ûen, e hakekeny jut bong: e so ame ca senyin at ame ûcû, ke hlöuhlöu at ame kap mone: anyin ae bi hmonyin hon tavat ae se hia.

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Daniela 9:20

Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Hosea 5:8

Tûâ thʼ öbun sofa hnyi Gibea, me trutru hnyi Rama: kuku thö hnân haten hnyi Beth-aven; e hnyi hotom Beniamina.

Hosea 8:1

IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

Joela 1:15

Ekölö ge bong! anyin ame he jem bong bongi Iehova, ke e ame he ka o helâ me hnaûhango ûnyi ge Ataekhanahia.

Joela 2:11

ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Joela 2:15

Tûâ thö trutru hnyi Ziona, thu bongon ju ânyâ ca han, hawâ ûkhacaköuâ thö ae ûnyi hnathu:

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 3:14

Ödra se, ödra se hia hnyi hnyigöulen bucen hna owisa! anyin ae hakekeny jut bong bongu Iehova hnyi hnyigöulen bucen hna owisa.

Joela 3:17

Me öbun e he ka wâ a inya Iehova Khongubun, at ame laba hnyi Ziona, anyik bucen ae kap: me ame he ka kap bi Jerusalema, ke ame ca he hmetu ta je atkanyua ka vheno e.

Amosa 3:6

Hawa, adre me he ka tûâ trutru hnyi taun, ke ame ca he ka ot tavat? hawa, ame he ka hu ûnyi ae kong hnyi taun ke a ca ânyâ bi Iehova?

Amosa 5:18

Ekölö gabun tavat öbun e weny bong bongu Iehova! hnân eû bong bongu Iehova köbun? e menekholom bi, ke ca melam bi.

Amosa 8:2

Ke e ame ha könya, ka habe, Amosa lö, ieû u je wâ? Me haingök ka habe, tang wan ûö ae mat. Me haingo Iehova könya, ka habe, A o but obiny ka lakeik a at Isaraela; oge me ca he hmetu ka he me digic ödra.

Obadia 1:15

Anyin ae hakekeny jut bong bongu Iehova hnyi ta je hnyei hia: me ame he ka ânyâ bi köu, helâji me hnâm hna ânyâ; kʼ ame he ka hmetu bi ka hnyi hon bâm ânyâm huliwa.

Zefania 1:14

E hakekeny jut bong ae gan bongi Iehova, e hakekeny jut ke logot hmonyin dut, hwan bong bongi Iehova; ame tenge gan hmâ eling at ae hwege.

Zefania 1:16

bonginy fuc trutru me öbubuny ka hnyi je taun adre up haginy, me je tap tue görany.

Zefania 1:7

Laba hnyibû ju hnyi hnyimakan Than Iehova: anyin ae hakekeny jut bong bongi Iehova: anyin a hia but Iehova penapena hut, me okabâ hnen je hna hawâ.

Zefania 3:11

Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.

Zakaria 14:1

WA bi, ame he ka o bong bongu Iehova, ke adre me he ka khenâ hnyi wanbâm hna söh.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Numera 10:2

U me he ka tibet li trutru sileva; u me be ka huliwan ge hama: ke wale li ûnyi hnân hawâ ûkhacaköu, me hnân he je bunyen.

Numera 10:3

Ke ödra ka he ka tûâ, me ame he ka ûkhacaköu köu tavat hia hnyi hwanumen uma ûkhacaköu.

I. Korinito 14:8

Ke a ne hnân loloâ hwan khoto, ie at ame he ka penapena ka hnyi vat?

Filipi 2:12

Anyin a wale, je oûnykûmik lö, helâji me hnobun hna labö long gak, ca hake e thibi waleji ke inya unyibun, ke ti gan hmâ walang ang ke hiö nya, awe, huliwan dö hna omeli öbun ke ot me öbubuny;

I. Thesalonika 5:2

Anyin ae khanʼ öbun wia a gʼ ame he ka o bong bonginy Than helâ me at venöu hnyi lit.

Iakobo 5:8

E so öbun e hok hnyok minya ju; ke otethmâ ju je hnyekubun: anyin ae hakekeny jut he ka o Than.

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

Hna Omanenâ 6:17

anyin a o but bongudra bong ae gan hmâ hmonyin hnyin; ke ie at ae khana he ka tot.