Joela 1:9 - Iaai Bible 1901 (New Caledonia)

⁹ Adre me subâ degecâ hudiny ban me hudiny ic ûnyi hnyi uma umo Iehova; kʼ ame tenge tavat bihut a lathnyabai Iehova.

Joela 1:9 ပူးပေါင်းရင်းမြစ်များ

II. Man Ûlabainy Je Than. 13:10

Ke haba ohmun, me, Khonguhmun Iehova, ke ohmun e ca hna degecâ; ke haba tavat bihut ödrin e huliwa kö Iehova unyihmun, me, ödrin je mâtrâni Arona, me at Levi hnyi je hanymodrin:

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Je tenge anyi Jeremi 1:16

Can ta je ûnyi eling, me oge me tenge; ke haba emakök, me ame hingölö köiö ûnyi hnyi li emakök; Anyin ae ûsâkâûö but mönya at ûötubweli, at a hamen he ka okahwa hnyekuk: E ba but thatûnyi anyin je lakuk, anyin ame ton iwahnaihmiony.

Je tenge anyi Jeremi 1:4

Ame tenge je getheniny Ziona, anyin ame ca o tavat ka hnyi ûkhacaköu ae ûnyi hnathu; E ba but at hnyi je homagouleny hia, kʼ ame mâng anyin tavat bihut: Ame hlöuhlöu wahlu unyin, ke haba e, me momo ame vec dö.

Hosea 9:4

Adre me ca he ka hingâlâ waina kö Iehova, ke e ame ca he ka senyin kodra: haba anyidra je hut e ûcû me han anyin tavat adre me hnyamok ködrin; adre me he hia ka kong tavat adre me an e: anyin a haba ö ʼdra jeû me hnân behan bi, ke ame ca he ka o ka hnyi uma umo Iehova.

Joela 1:13

Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Joela 1:16

Hawa, ame ca ba jeû gata eke, me senyin me hobâ hnyi uma umen Khonguta?

Joela 2:14

E khanö ia, a gʼ ame ca he bi ka hmetu me ietra, me ip bi hnahic hwaban, wale hudiny han ke hudiny ic hobi kö Iehova Khongubun.

Joela 2:17

E so ame he tavat bihut, a je athnyabai Iehova ka tenge hnyi wanben poretiko me taben hut, me ha, ka habe, Iehova lö, betenge ju ge lakem, ke ca he ka hna jekhom me hnân taben haikongoâ, me he ka musi ödra hnen ta je hnyei: anyin a ieû ame he ka ha hnen je hnyei, ka habe, Ewa Khongudrin?