Joela 1:14 - Iaai Bible 1901 (New Caledonia)

¹⁴ Thu bongon ju he ka ca han, hawâ thö ûkhacaköu ae ûnyi hnathu; ûkhacaköu â thö wahingat me aten hnyei hia ka hnyi uma umo Iehova Khongubun, ke tenge thʼ öbun kö Iehova.

Joela 1:14 ပူးပေါင်းရင်းမြစ်များ

II. Je Than 10:20

Ke haingö Jehu ka habe, Okabâ ju ûkhacaköu ae ûnyi hnathu kö Baala. Me adre me haimemenâ.

II. Man Ûlabainy Je Than. 20:13

Ke haba Juda hia ödrin e tot hnyi hnyimakö Iehova, tha ödrin me tavat ae ûhnyûkong gadrin, me laöiödrin, me lakudrin.

Nehemia 8:18

Me e ame aû tusi hnanyibu anyin Khong hnyi ke bong me ke bong, hwân hnyi bong a bân ke ne o but hnyi bong a biliny. Me ödrin e tuö bijeû hnyi je bong a seven; ke haba hnyi bong a eitiny e hu ûkhacaköu ae ûnyi hnathu, hoton hna hûna.

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Jeremia 14:2

Juda ame tenge, ke je homagouleny ame hlöuhlöu, adre me laba, ke hlit bi hon kânâ; ke ame o thö hwan tenge hnyi Jerusalema.

Jeremia 36:9

Ke haba hnyi huna a thabûngi Jehoiakima nöku Josea, than Juda, hnyi tehi a naininy, me ame haimemenâ he ka ânyâ ca han hnyi hnyimakö Iehova hnen tavat hia hnyi Jerusalema, me tavat hia tavat adre me he ûnyi hnyi je tauniny Juda Jerusalema ai.

Joela 1:2

Öbun wahingat lö, long ju hofuc ang, ke tevehlöng ju öbun tavat aten hnyei. Hawa, e hu ûnyi helâng hnyi bongubun je bong, ame ne hnyi bong bongon lakamöbun?

Levitiko 23:36

Hnyi je bong a seven öbun e he ka hudo je hut a an ge meic kö Iehova: ke hnyi bong a eitiny öbun e he ka hu ûkhacakoû ae kap: ke öbun e he ka hudo hut a an ge meic kö Iehova: wale ûkhacaköu ae ûnyi hnathu; e ba huliwa ae hmak öbun e he ka ânyâ.

Jona 3:5

Ke haba at Nineve adre me kap Khong; me adre me haimemenâ he ka ânyâ ca han, ke adre me khavâ ec mano ae gan nân, hwân ge tavat ae gan ke ne o but houmonu.

Jona 3:8

ke adre me he ka khavâ tavat me meno ge mano ae gan nân, ke tenge hwege thʼ öbun ka Khong: eke, hamödra he ka ve hwio ûnyi hnyi dedra ta ge gethen ae kong, me ûnyi hnyi ûkonguny anyin je hnyamödra.

Zefania 2:1

HNYEI ame ca hmehma lö, ûkhacaköu thʼ öbun, eke, ûkhacaköu thö;