Joela 1:13 - Iaai Bible 1901 (New Caledonia)

¹³ Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Joela 1:13 ပူးပေါင်းရင်းမြစ်များ

II. Samuela 12:16

Haba Davita ame elâm Kkong hobi kâu wanakat; ke Davita awe ca han, me didro, me mokut eû hnyi kânâ hnyi lit hia.

I. Je Than 21:27

Ke a long ut Ahaba ta je hofuc eling, me e ame kia anyin ûkhaû, me khavâ ecmano ae gan nân, kʼ ame ca han, kʼame mokulec ec mano ae gan nân, me he menyöng.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Jeremia 4:8

Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Ezekiela 21:12

Nokon at lö, kuku thö, ke kuku tenge thö: anyin a e bi hon lakeik, e bi hon je taben Isaraela: adre hnʼ ödra ka hnyi hele vat tha ödra me lakeik: anyin a wale khaû thö jevam.

Ezekiela 27:31

ke adre me he ka ohadreûâ je bödra gam, me weikâ mano ae gan nân, me tenge me hnyok as vec gam, me tenge hwege.

Ezekiela 7:18

Adre me he minya ka weikâ ecmano ae gan nân, ke adre me he ka tubi ödra ge öbubuny: ke ame he ka hmehma ta je hnyimak hia, me hadreû hia ta je bödra.

Hosea 9:5

Ieû öbun e he ka ânyâ hnyi bonginy ûkhacaköu ae ûnyi hnathu, me hnyi bonginy bijeû anyi Iehova?

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Joela 2:14

E khanö ia, a gʼ ame ca he bi ka hmetu me ietra, me ip bi hnahic hwaban, wale hudiny han ke hudiny ic hobi kö Iehova Khongubun.

Joela 2:17

E so ame he tavat bihut, a je athnyabai Iehova ka tenge hnyi wanben poretiko me taben hut, me ha, ka habe, Iehova lö, betenge ju ge lakem, ke ca he ka hna jekhom me hnân taben haikongoâ, me he ka musi ödra hnen ta je hnyei: anyin a ieû ame he ka ha hnen je hnyei, ka habe, Ewa Khongudrin?

Numera 28:14

Ke haba je hudiny ic gadra, me hafiny hin waina hnân bi hanen ke bolok, ke ke keihen a kuniny hin hnân bi hanen mamoe baga, ke ke keihen a vakiny hin hnân bi hanen mamoe: wale hudiny leû hnyi je tehi hnyi huna.

Numera 28:4

U me he ka hudo ke nokon mamoe hnyi hnyomakatu, ke u me he ka hudo ke nokon mamoe hnyi sahac;

Numera 28:7

Ke haba hudiny ic, me ke keihen a vakiny hin hnân bi hanen nokon mamoe a khaca: u me he ka hingâlâ but waina ae hwege kö Iehova hnyi dok ae kap hnân hudiny ic.

Numera 29:6

ke adre me he ka ânyâ minya hudiny leû hnyi ûen ae manen je tehi, me hudiny han a hanen e, me hudiny leû ae hmâ, ke hudiny han a hanen, tha e me je hudiny ic, hoton hna hûna, hnân bo so, a hut a an ge meic kö Iehova.

I. Korinito 4:1

E SO e he at ka ûnykûme kohmun, a ohmun je athnyabainy Keriso, me je athnyaba adre tuö omjeû wale ta je ûnyi ae iyong anyin Khong.

I. Korinito 9:13

Ke ca khanʼ öbun a haba tavat adre me huliwan ta je ûnyi ae kap, me adre me an ta je ûnyi hnyin uma kap, ke haba tavat adre me bi athnyabainy taben hut, me adre me ve hu hwajekhöûdra me tahen hut?

II. Korinito 11:23

Hawa, ödra tavat huliwa ka Keriso? (inya oge me hwen monu) iny beönua bi nya; beönua hnyi huliwa; ke se hia hmönyin hna labö cö nya, e se hia hmönyin hna labö osoi nya, ke iny osehia he ka mokcu.

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

II. Korinito 6:4

ke hnyi ta je ûnyi hia öhmun e omanenʼ öhmun a lathnyabainy Khong öhmun, hnyi hokhnyok ae gan hmâ, me je vec, me theduoc, me hlöuhlöu,

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.