Jobu 7:1 - Iaai Bible 1901 (New Caledonia)

¹ HAWA, e ca hamen at he ka vat eang hmeledrany? Ke, ca ûcû anyin ta je bong me je bong bongon at ame hok hwaban?

Jobu 7:1 ပူးပေါင်းရင်းမြစ်များ

Jobu 10:17

U je hom gaga je hnyat gam, ödrin e haikongu nya, Me bi hanen ânyâm hmonyin könya; Kʼ ame o but könya je ûnyi ae ve bongon me vat.

Jobu 14:1

HABA at a hnokoâ hnen momo Me wakhalet thibi je bongon, me unöngöt ge hlohlo.

Jobu 5:7

Ke adre me hnokoâ at ka hnyi hlöuhlöu Helâ me je wahleûhleûiny meic ame gâ goranyai.

Jobu 7:2

Helâ me athnyaba ame weny hmonyin â hmenu, Ke helâ me at ame hok hwaban ame halubahingen hwaban anyin huliwa:

Salamo 39:4

Iehova lö, omanenâ thö könya obiny gak, Me tulutiny bonguk je bong, me bo ngon e; Omanenâ thö könya ae okhulit bonguk je bong.

At Khet 8:8

E ba at ame tren musi hon hanu, he ka behânâ hanu; ke ba at ame muso bong mok; ke ba at adre me hna ûnyi hnyi vat eling: kʼ ame ca he hwakecin ae kong ka omelo tavat adre me mâdrâ e.

Isaia 16:14

Ke a hia but fuc Iehova walang ang, me ha, ka habe, Hnyi ta huna a kun hoton je hunainy at ame hok hwaban, me adre me he ka hûkotiâ hmanenanginy Moaba, tha e me aten ae se hia hmonyin; kʼ ame he ka wakhalet hmonyin je kolon ke ca ûnyi hnathu hmetu.

Isaia 21:16

Anyin ame ha helâng könya Than, ka habe, Hnyi huna a khaca, hoton ta je hunainy at ame hok hwaban, me ame he ka ta but hia hmanenanginy Kedera:

Isaia 38:5

He thö me ha kö Hezekia, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ ta je deköiâm: me wâ bi oge, me he ka bi hanen bongom je bong a fiftin je huna.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Levitiko 25:50

Ke e ame he ka aû ka at ame ûco e, hwân hnyi huna hna ûco e hnyin ke ne o but hnyi huna jubeli: ke haba mone a hwaban me ame he ka ûcû me numerainy je huna; e ame he ka tha laba me helâ me ûen athnyaba adre hawâ.

Deuteronomi 15:18

Ke u ka hna baûâ ke at ûheny unyâm e so e ca he ka hmak hnyekom; anyin a haba anyin huliwa me ûcû me huliwa anyin lo li at adre hawâ, hnyi je huna a siks e ame bi athnyabaem: kʼ ame he Iehova Khongom ka ohnahici u hnyi ta je unyi hia u me he ka ânyâ.