Jobu 40:4 - Iaai Bible 1901 (New Caledonia)

⁴ Wâ bi, iny thatûnyi: ieû oge me he ka thu köu? Oge me kât hnyimök.

Jobu 40:4 ပူးပေါင်းရင်းမြစ်များ

Genese 18:27

Ke Aberahama ame thu me ha, ka habe, Wâ bi, anyin a iny hwege hnyok he ka fuc köu, Than, kʼ iny sesâiny kânâ me hnabadröu;

Genese 32:10

e ca ûcû nya at ae ûhnyûkong hnyi je ibetengiö hia, me hnathu hia, waleji u je omanenâ ka athnyabaem; anyin oge hanyâûâ Joridano eang me anyik uci; ke walang ang lo but anyik li bunyen.

II. Samuela 24:10

Me haba hnyeku Davita ame dâ e hwaban hnen hna aû tavat. Me haingö Davita kö Jehova, ka habe, Oge hia but ûnyâ monu ae gan hnyi ûnyi oge me ânyâ: ke walang ang, Than lö, oge me khöû köu he ka hna but hulö anyin athnyabaem; anyin oge me ânyâ monu.

I. Je Than 19:4

Ke e ame he ka hnyi hnyebuba, a khaca bongon ka he; ke e ame o but me laba ju hmelen ûö ratami: ke e ame sumâtâ me me he ka mokcu; haingen, ka habe, Soju; walang ang, Iehova lö, hom dö anyik möt; anyin a iny ca so hon lakamök.

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Ezera 9:6

me oge me ha, ka habe, Khonguk lö, iny hmehma but me hmak he ka hngele hnyidranyai köu Khonguk: anyin ae gan hmâ hnyikonguhmun hnyi hon je hohmun, ke gan hmâ anyihmun hulo ke ne o but hnyi drany.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Jobu 16:21

Me me he ka otilâ wisainy at hnyi hnyimakan Khong, Ke nokon at hnyi hnyimakan hanen!

Jobu 21:5

Walö nya ang, lâiâ thö, Ke kât ju je hnyimöbun.

Jobu 29:9

A hnyibû but je than, Ke ödrin e kât je hnyimödrin.

Jobu 31:37

Ke oge me he ka aû kâu ûseiny hnok hna okca; Oge me he ka ûhakekenyâ helâke iny than.

Jobu 37:19

Nʼ ohmun dö ge ûnyi hnân ha kâu; Anyin ae ca khanʼ ohmun he ka penapena ifucihmun can menekholom.

Jobu 40:3

Me haba Jobu ame thu kö Iehova, me ha, ka habe,

Jobu 42:6

Anyin a wale, oge me ikiki nya bi me ietra Hnyi sesâ me hnabadröu.

Salamo 39:9

Oge me hum but, oge me ca khong hnyimök; Anyin a u thibi at a ânyâ.

Ta je Vejec 30:32

U je ne hia but hwen monu me ka oganö u bi, Ke u je ne vak hulo, Kât ju hnyimâm.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Isaia 64:6

Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Je tenge anyi Jeremi 3:29

Hamen he ka ciron hnyimen eû hnyikânâ; ame ne hu gejon.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Daniela 9:5

öhmun e hia but ânyâ hulo, ke hwakecin ae hwali, ke hwakecin ae kong, ke ûkhin fuc, ke saû ûnyi hnyi hnâm je hna hûna ke hnâm hna owisa:

Daniela 9:7

Than lö, e unyâm wisa, ke e unyihmun hmehma, helâ me hnyi bong ang; wale a at Juda, ke at Jerusalema, ke at Isaraela hia, a tavat hakekeny ke sâkâu, hnyi je hnyei hia waleji u je obʼ ödra ka hnyin, can hnödra hna hanyâûâ waleji adre hanyâûâ gam.

Levitiko 13:12

Ke ame ne kû lepera hnyi unen, kʼ ame ne okhötâ hia ge lepera unen at ame takoû ge mok, hwân hnyi ban ke ne o but hnyi li can, wale a wâ hnen at bihut;

Mika 7:16

Ame he je hnyei ka wâ me hmehma ge manidra man hia: adre me he ka kât je hnyimödra, kʼ ame he ka wejiji je hnyikönyödra.

Habakuka 2:20

Ke e bi Iehova hnyi hnyin umen uma ae kap: e so ame he hmeledrany hia ka laba hnyibû ju hnyi hnyimakan.

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Luka 18:13

Ke haba telona ame tot sâkâû, e ame ca mē bwele bi hnyi drany ai, ke e ame khaû ûlainy me ha, ka habe, Khong lö, betenge ju gak at ae monu,

Luka 5:8

Ke a wâ but ga Simona Peteru, me e ame ta ju hnyi li bouca Iesu me ha, ka habe, Than lö, he thö gak, anyin a iny at ae kong.

I. Timoteo 1:15

Walang uthofuc ae hnathu, me ti ûcû he ka kap, ka habe, A o Keriso Iesu eang hmeledrany he ka omelö tavat ae monu; ke iny beönua bi hudrin:

Owisa 18:19

Me haingödrin kâu, ka habe, Ca mede, ip ju hnyamâm ka hnyi hon hnyimâm, me tha he möhmun, me u ma he ka bi kamöhmun me ânyâ hanymen at bihut unyihmun: hawa, e so köu he ka ânyâ hanymen at bihut hnyi lap anyin at a khaca, ke hawa, he ka bi hut ka tribu me lap anyi Isaraela?