Jobu 27:2 - Iaai Bible 1901 (New Caledonia)

² Kia inya Khong, at ame hom degecâ anyik wisa; Me Ataekhanahia, waleji ame ovecâ hnyekuk;

Jobu 27:2 ပူးပေါင်းရင်းမြစ်များ

Jobu 34:5

Anyin a hia but Jobu ha, ka habe, Iny wisa but, Ke a hia but Khong hûgûnâ anyik wisa:

II. Je Than 4:27

Ke ame o but momo ka aten Khong hnyi dok ae hut, me ame kât li can. Me haba Gehazi ame hakekeny he ka hagutâ momo; ke haingen aten Khong, ka habe, Ca ânyâ: anyin ae vec hnyekon momo; kʼ ame ikhâlâ gak Iehova a ca thumetu nya.

Numera 14:21

Ke kia inya inya a g ame he ka unöngöt hmeledrany hia ge hmanengi Iehova;

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Isaia 40:27

Anyin a ieû gam Jekob u me ha, ke u Isaraela u me fuc, ka habe, E iyong kö Iehova dek gethen, ke a he but ûnyi ge Khonguk hna owisa könya?

Jobu 10:3

Hawa e so köu mʼ u me he ka seda, Mʼ u me he ka hûkotiâ huliwa anyin li hnyamâm, Me ohnahicâ ûhnenamö anyin tavat ae kong?

Jobu 9:18

E ame ca he ka hnö nya he ka menâ, E ame ounöngöti nya ge je ûnyi ae hiny.

I. Je Than 18:15

Me haingö Elia, ka habe, Kia inya Iehova tuhan sabaoth, a at oge me tot hnyi hnyimakan, a oge me he ju ka omanenö nya kau hnyi bong ang.

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

II. Samuela 2:27

Ke haingö Joab, ka habe, Kia inya Khong, ke u je ne ca fuc me ame ne he ka hmetu nyi tavat ûheny hnyi hna hnu je liamekeiny mödrin.

I. Samuela 25:34

Ke kia inya Iehova, Khongu Isaraela, at ame thawo nya he ka ca okongu u, ke e hnathu a u je ne ca logot me he jem he ka ûkhanö mönya, me, ame ne ba kolon kö Nabala da a khaca e ka o thö lany hnyomakatu.

I. Samuela 25:26

Ke walang ang tuhok, kia inya Iehova, me kia inya u, anyin a Iehova ame thawo u, me u me ca he ka hingâlâ monoâ dra, me bi hwaban hobi köu ge hing hnyamâm, ke walang e so e helâ Nabala je iwahnaihmiöny mou, me tavat ödrin e elâm ûnyi ae kong hobi kâu tuhok.

I. Samuela 20:21

Ke wâ bi, oge me he ka kunâ da, me ha, ka habe, He thö he ka elâm je fana. Ke oge ne ha ka da, ka habe, Wâ bi ke keihâm e jem je fana: awe, u ma hom dö me he jem; anyin ae hu hnahic köu, ke ba kong, ke kia inya Iehova.

I. Samuela 14:45

Me ame ha tavat kö Saulo, ka habe, Hawa, ame he ka mokcu Jonathana at ame omelö gânâ at Isaraela? Ohe, kia öhmun Iehova, ame ca he ka kolu ke leûnen ban; anyin a e ame hia but tha huliwa me Khong hnyi bong ang. Me haba tavat adre me omeli Jonathana, me ame ca mok bi.

I. Samuela 14:39

Anyin a kia inya Iehova at omelö at Isaraela, me ame ne e unyi Jonathana a nokuk me hamen he ka mok. Ke ame ca thu kâu ke at unyin tavat hia.

Rutha 3:13

Me mokut ju i hnyi lit ang, ke hnyi hnyomakatu, ame ne he ka ânyâ köu hanymen at ame bi hanen lap, me e so; e hamen he ka ânyâ: ke ame ne hôcö he ka ânyâ köu hanymen at ame bi hanen anyitin lap, awe, hamök bi he ka ânyâ köu hanymen at ame hakekeny köu, kia inya Iehova: mokut ju, ke ne o but ame lany dö.

Jobu 16:11

Haba Khong ame hia but hnö nya ka at ae hwali hwakecin, Kʼ ame digic nya ka hnyi hnyamen tavat ae kong.

Jobu 19:6

Khanʼ öbun dö walang ang a hnen Khong hna ton huk, Me igigili nya ge anyin ert.

Jobu 23:16

Ke a hia but Khong osenyinâ hnyekuk, Ke a hia but Ataekhanahia ohlohloinya:

Jobu 35:2

Hawa, u me ûnykûme ae wisa ang, Haingâm, ke habe, Iny wisa hon Khong,

Jobu 40:8

Hawa, u me he ka oûnyibaûâ hnok hna owisa? U me he ka haikongu nya, mʼ u me wisa bi?

Jobu 9:17

Anyin a e ame ohmetru nya ge weneû, Me osehia hnok je aat, ke ba can.