Jobu 2:5 - Iaai Bible 1901 (New Caledonia)

⁵ Ke so bi hai thö walang ang hnyamâm, me kot je jeien me viny, me e ame he ka haikongu u hnyi hnyimâkâm.

Jobu 2:5 ပူးပေါင်းရင်းမြစ်များ

I. Man Ûlabainy Je Than. 21:17

Ke haba Davita ame ha ka Khong, ka habe. Hawa, ca ûnyi gak hnödra hna aû tavat? ke haba inya at ae monu ke at ânyâ hulo ae gan hmâ; ke ieû a ânyâ ta je mamoe ang? Iehova Khonguk lö, ö u ip hnyamâm huk me lap anyi cica, ke ca he ka ip hon lakem me hlingʼ ödrin.

Jobu 1:11

Ke so bi hai thö benyâm walang ang, me mâdrâ anyin ta je ûnyi hia, me e ame he ka haikongu u hnyi hnyimâkâm.

Jobu 1:12

Me haba Iehova ame ha kö Satana, ka habe, Wâ bi, e but anyin ta je ûnyi hia tbithö hnyi hnyamâm, ke so bi u ma ca he ka hai hnyamâm ka hnyi hon unyin bi. Me haba Satana ame he but ûheny hnyi hnyimakö Iehova.

Jobu 1:5

Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

Jobu 2:4

Haba Satana ame thu kö Iehova, ka habe, Unen, hwaban unen, eke, haba ta je ûnyi hia hnen at hna hu, me e ame he ka ham hwaban anyin möt.

Jobu 2:6

Haba Iehova ame ha ko Satana, ka habe, Wâ bi, e but e hnyi hnyamâm, ke wâ thibi anyin möt.

Jobu 2:9

Haba âiân ame ha kâu, ka habe, Hawa, u me he bala ka hwege hnyi ânyâm wisa? haikongoâ thö Khong, ke mokcu.

Salamo 39:10

Hom but gak hna kuc nya gam: Oge me aû hut ge hna ûkûc hnen benyâm.

Isaia 65:3

tavat adre me ohmönyini nya hnyi hnyimakök hnyi ta je bong, adre me bi hut hnyi ta hnyei, kʼ adre me leû uto ae bo so hon je veto kânâ;

Isaia 8:21

Ke adre me he ka vheno e hnyi vec me mekihnânem: ke ödra ka he ka mekihnânem, me adre me he ka vec hnyok, me hangâ hnyi ien tuhödra me Khongudrin, ke hngele bi hnyi dranyai:

Levitiko 24:11

ke haba nokon momo Isaraela ame haikongoâ ien Khong, me ûhangö: me adre me hom e kö Mose. Haba ien hinyen, me, Selomith, noku Deberi, ûnyi hnyi tribu Dana.

Levitiko 24:15

Ke u me he ka ba ka lakon Isaraela, me ha, ka habe, haba at ame hangâ Khongon, me ame he ka takoû e ge anyin hulö.

Hna Omanenâ 12:10

Ke oge me löng hofuc ae gan hmâ hnyi drany ame ha, ka habe, A o but walang ang möt, me man, me dokhu dokhon Khonguta, me musi minya anyin Keriso a anyin: anyin adre hia but obâ at ame haikongoâ je liamekeiny mʼ öta, wale at ame haikongu ödra hnyi hnyimakan Khonguta hnyi lany me lit.