Jobu 2:4 - Iaai Bible 1901 (New Caledonia)

⁴ Haba Satana ame thu kö Iehova, ka habe, Unen, hwaban unen, eke, haba ta je ûnyi hia hnen at hna hu, me e ame he ka ham hwaban anyin möt.

Jobu 2:4 ပူးပေါင်းရင်းမြစ်များ

Genese 47:17

Ke adre me hom kö Josefa haledrin ta je meno: ke Josefa ame ham ködra areto hwaban ta je hors, me je mamoe, me kâu, me je asina: ke e ame ha ödra ge areto hnyi huna eling hwaban haledra je meno.

Genese 47:19

ke anyin a ieû öhmun e he ka mok hnyi hnyimâkâm, öhmun me je ihmun? ûcû öhmun dö me je ihmun hwaban areto, ke haba öhmun me je ihmun ame he ka bi athnyabai Farao: ke ha hanihmun me öhmun e he ka möt me ca mok, me me ca he ka iny wau kânâ.

I. Je Than 20:31

Haba lathnyabainy ödrin e ha kâu, ka habe, Wâ bi ohmun e long ut a je than ae betenge je thaniny lap anyi Isaraela; Ö u hnʼ ohmun he ka khavâ je ecmano ae gan nân hnyi je hnyihmun, me je tö ae gan kahmen hon je hohmun, me he ka than Isaraela: ame ne he ka omeli u.

Jobu 2:3

Haba Iehova ame ha kö Satana, ka habe, Hawa u me wâ ûnykûme athnyabaik a Jobu? anyin ae ba ke at ae ûcû mē eang hmeledrany, at ae ti so hwakecin, ke wisa, ke e at ame outen Khong, me ûsâkâuö me hulo: ke e hwege bala bi hnyi anyin wisa, ke u me cubic nya he ka ohia e, ke ba can.

Jobu 2:5

Ke so bi hai thö walang ang hnyamâm, me kot je jeien me viny, me e ame he ka haikongu u hnyi hnyimâkâm.

Ta je Vejec 13:8

Haba hwaban möt anyin at, me ûnyâ tang omjehen: Ke ame ca long hna nâ hnen at ae theduoc.

Jeremia 41:8

Ke e anyidrin tavat a ten tavat adre me ha kö Isamaela, ka habe, Ca he ka hlingʼ ohmun anyin ae hu anyihmun ûnyi ohmun e ikhâlâ hnyi utkânâ, hwit, me bali, me wakaco, me hani, me e ame hokhnyokâ, me ca tha hlingʼ ödrin unyin je liamekeiny mödrin.

Mataio 16:26

Anyin a ieû troban ka at, a ne he ka hu kâu hmeledrany hia, ke ame bi hwaban e ge anyin möt? ke ieû hmetu ke ûnyi hnân he ka bi hwaban anyin möt?

Mataio 6:25

Anyin a wale, inya oge me ha köbun, ka habe, Ca ûnykûme ûjengoâ hnân hobi kâu anyibun möt, wale ge hnobun hna he ka han me ic; ke unyibun, wale ge hnobun hna he ka khavâ. Hawa, e ca beönua möt hon jeû, me unyin hon ûkhaû?

Luka 12:23

Anyin ae beönua möt hon jeû, ke unyin hon ûkhaû.

Josua 9:24

Ke ödrin e thu kö Josua, ka habe, Adre me ha hnathoâ ka lathnyabaem a Iehova Khongom ame hûna kö Mose a athnyabainy he ka ham köbun hnyei hia thithö, me he ka ohia aten hnyei hnyi hnyimaköbun, anyin a wale öhmun e ot gan hmâ me bemöt gabun, waleling mʼ öhmun e ânyâ ûnyi e.